Kroc'henad gourc'hennus, debronus kenan, a furm war ar c'hroc'hen kelc'hioù kengreiz o kenskejañ kenetrezo ha goleiñ an amwiskadoù gant tresadennoù iskis. Hebiat d'ar vrigenn e tisleber an tokelao an ivinoù, avat. Devoudet eo gant ur seurtad Aspergillus, al Lepidophyton pe Trichophyton concentricum, a zo feltradur ar mikeliom anezhañ o chom dalc'hmat e skantennoù an ezkroc'hen. Paot kenan eo an anaez-se e Gevredazia.