Ezreolder kroc'hen a orin rizhellel, ledek pe ledekoc'h, bepred kantet avat, trebadek pe dedroat gorrek tre, kevredet a-wechoù gant miweoù kroc'henel pe flugezel all ; ent klasel, e tiforc'her 1) an nevuzioù eeun amparet gant elfennoù reol eus ar c'hroc'hen, is- pe usweek, hep tued d'an dic'henezhañ yud, anezho an n. ezkroc'henel, an n. kenglenel, n. an adparzhioù (gwagrennoù c'hwezparañ), an troc'hgennoù rannbarzhel, an angiomoù, an n. angweel, 2) an nevuzioù nevokelligel, livegennek pe get, a zo enno elfennoù ezreol, ar c'helligoù nevuzel, en ervez da zedreiñ etrezek un anaf a yuter bras, ar melanom (deanvet nevokarkinom kent 1994) (sl. mélanome).