Yoc'henn stirek ha bourr eus ar c'hroc'hen, seurtad nevuz kenglenel, dezhi meur a stumm : pe plat ha ledan, pukadus d'an teuta, pe balirek, troadennek zoken (molluscum pendulum) ; he ment o vont eus ar penn spilhenn d'an orañjezenn (fibrom molluscum) ; deskrivet e vez molluskomoù kalet hag ulmennek (neuromoù plezhadek) ; bezant e vez ar molluskomoù e kleñved Recklinghausen hag e skleroz torosennek Bourneville (sl. névrome plexi-forme, sclérose tubéreuse du cerveau).