Endredañ en ur bredospital, dre un disentez wirel diwar ali un pe lies bredvezeg, ur c'hlañvour diskleriet evel dañjerus evitañ e unan pe evit ar re all ; e Frañs, e tiforc'her an ospitaliañ diwar c'houlenn un tredeour (Gl. hospitalisation à la demande d'un tiers) pa na vez ket gouest ar bredklañvour da briziañ grevusted e stad (60 000 degouezh pep bloaz) hag an ospitaliañ a berzh kefridi (Gl. hospitalisation d'office) pa vez ar gouziviad en araez da argevezañ surentez an dud pe an urzh foran, ospitaliañ hemañ devedet gant ar prefed dre soliañ war un testeni mezegel (10 000 degouezh bep bloaz) ; d'an 22 Meurzh 2011, diwar c'houlenn an arlevier Nicolas Sarkozy, ez eus bet mouezhiet un erbar lezenn oc'h aotren, en tu all d'al lezenn gent, ar prederioù baleadel dre zestrizh (Gl. soins ambulatoires sous contrainte).