1 Migorn skoed (Gl. cartilage thyroïde) : an hini ec'honekañ eus migern ar c'harloc'henn o valirañ a-us d'ar migorn lagadenn. — gwagrenn skoed (Gl. corps ou glande thyroïde) pe 2 skoedenn : gwagrenn enborc'hat lec'hiet dirak ar ganol c'harloc'henn-briant, er parzh traoñ-araok ar gouzoug. C'hoarvezout a ra eus div dolbezenn gostezel viheñvel, kenereet gant ur strizh, ma emzistag a-wechoù un dolbezenn etreat, an dolbezenn bikernennek. Amparet eo ar wagrenn skoed gant bolc'hennoù, enno un danvezenn golloidel, e-barzh ur gwiad kenglenel, ha gronnet gant ur rouedad wazhied. Borc'hañ a ra an hormonoù skoedel : T3 (triiodotironin) ha T4 (tetraiodotironin pe tiroksin).