Odead graet en amwiskadoù gant ur gwezher treloc'hel, gant pe hep koll danvez ; evit an organoù don, e komzer eus gouli pa vez ur boulc'h en amwiskadoù da heul un daraez igor (Gl. traumatisme ouvert) ; hervez gwezher ha doare ar gouli e tiforc'her : g. brevadel pe dre vreviñ (Gl. plaie par écrasement) ; g. dantadel pe dre zantañ (Gl. p. par morsure) ; g. diek (Gl. p. atone), gouli na zedro ket nemeur na war c'hrevusaat, na war gleizennañ ; g. ebarzhus (Gl. p. pénétrante) gouli graet gant ur c'hlav begek (goustilh, met ivez tach, spilhenn, draen) ; g. fregadel pe dre fregañ (Gl. plaie par déchirure) ; g. gwanadel pe dre wanañ (Gl. plaie par instrument piquant) ; g. krouizek (Gl. p. anfractueuse), gouli direoliek e vrielloù ; g. rastreuzus (Gl. plaie en séton), gouli, forzh pe wezher a ve en e orin, o tremen dindan ar c'hroc'hen hep tizhout organoù all, dezhañ daou zigor, un enank (Gl. entrée) hag un ec'hank (Gl. sortie) ; g. taravadel pe dre daravat (Gl. plaie par frottement, sl. La07 46-48 ma kaver ur 15 verb, pep hini o verkañ neuz ha donder ar gouli) ; g. troc'hadel pe dre droc'hañ (Gl. plaie par instrument tranchant).