Termen milvezekniezh oc'h erdalañ ar gwadlestegezhioù gwadliñvek (tifoid ar marc'h, kolera ar yer, gwadlestegezh wadliñvek an dañvad, an ejen, ar moc'h, h.a.) kiriek dezho Pasteurella multocides ; teir furm p. denel ez eus : ar vosenn (kiriek dezhi Yersinia pestis), an dularemiezh (diwar Francisella tularensis) hag un trede, an hini nemeti skritellet pasteurelloz, ar p. diwar Pasteurella multocides, pell a vezañ ken grevus hag ar p. loenel, o tedreiñ gwech evel ur poread lec'hiek er poent enkorañ, gwech evel ur c'hrezennfo, ur pilhonfo pe ur wadlestegezh.