Anvioù boutin roet da nimfenn eizhtroadek Trombicula autumnalis. Ruz he liv e trig evel arvevad war al loened bihan hag an den, he flemmadennoù o tevoudañ dezhañ debron feuls gant eritem hag a-wechoù terzhienn vihan (sl. fièvre fluviale du Japon).
Kleñved tredizhus diwar ur garvev spesadel (Erysipelothrix rhusopathiae pe Bacillus erisypelatus suis), o tevoudañ milzarreuziadoù grevus gant ar moc'h. Enkoradus eo d'an den, o vezañ arsellet ent nemedennek gantañ. Kemer a ra neuze pe ar furm lec'hiek (sl. erizipeloid), pe ar furm hollek gant plakennoù bras eritematus, pe, dibaot a wech, ar furm gwadlestel. A-wechoù ez eo ur c'hleñved micherel (sl. érysipéloïde).
An nervennoù gwazhiedfrankaat ne ziraezont nepred an organoù ma tibennont, hep tremen dre gelligoù kangrennel.