Ober ur boulc'h don pe donoc'h war-bouez ur gontell lemm kenan. Skejañ a reer kof ur pesk evit e zifastañ, ur vorzhed vaout da silañ enni un ivin kignen, ur frouezhenn evit aesaat an dibluskañ pe an troc'hañ anezhi. Bras pe vrasoc'h eo ar skej a reer diouzh ar pal a vuker outañ : kevaraezañ poazhidigezh ar pesked grilhet pe fritet (Sl. skalfañ), pe enskantañ lavnennoù trufennoù en ur meuz (Sl. askañ).
Diskolpañ un ognonenn zo he zroc'hañ a skolpoù, eleze a dammoù bihan. Diskolpañ un tamm bara zo diframmañ un tamm eus an dorzh.