l’ambivalence n’apparaîtrait qu’avec l’oralité sadique, […] pour culminer au stade anal et se poursuivre au stade phallique, ne ziwanfe an amluskegezh nemet gant ar c’henaouelezh sadek, […] evit mont d’he barr gant ar bazenn fraezhel ha kenderc’hel gant ar bazenn gastrel (sl. AMBIVALENT, PRÉAMBIVALENT, POSTAMBIVALENT) ; le complexe d’Œdipe est vécu dans sa période d’acmé entre trois et cinq ans, lors de la phase phallique, emañ ar buhezadur eus kemplezh Edip en e varr etre tri ha pemp bloaz, da-geñver ar bazenn gastrel (sl. COMPLEXE D’ŒDIPE) ; les trois oppositions […] actif-passif, phallique-castré, masculin-féminin, an teir c’hevenebiezh […] oberiat-gouzañvat, kastrel-spazhet, gourevel-benevel (sl. COUPLE D’OPPOSÉS) ; l’affleurement du conflit œdipien qui se joue principalement dans les registres libidinaux phallique et oral, [an] dont war wel eus ar c’henniñv edipel, c’hoariet peurliesañ er gwereoù kastrel ha genaouel eus al libido (sl. HYSTÉRIE) ; les oppositions actif-passif d’abord, puis phallique-castré, ar c’hevenebiezhoù oberiat-gouzañvat da gentañ, kastrel-spazhet da c’houde (sl. MASCULINITÉ — FÉMINITÉ) ; la théorie sexuelle de la mère phallique, pourvue d’un pénis féminin, arlakadenn revel ar vamm gastrek, dezhi ur c’halc’h benev (sl. PARENT(S) COMBINÉ(S)) ; femme, mère phallique, maouez, mamm gastrek (sl. PHALLIQUE) ; l’organisation phallique, marquant un stade d’évolution de la libido dans les deux sexes, ar frammadur kastrel, o verkañ ur bazenn eus emdroadur al libido en div rev (sl. PHALLUS) ; stade phallique, pazenn gastrel (sl. STADE PHALLIQUE).

Maouez dezhi, ent eriunellel, ur c’hastr. Div furm a c’hell gwiskañ hervez ma’z eo derc’hennet gant ur c’hastr diavaez pe un doareenn gastrel, pe gant ur c’hastr gourev azdalc’het en he diabarzh.

E-keñver ar c’hlinik, Freud en deus diskouezet penaos ar fetichour, goude gourzhodiñ bezañs kastr ar vamm, a gav en e fetich un erlec’hiad outañ.

A-du-rall, bredelfennerion ’zo da heul F. Boehm o deus lakaet a-wel, en elfennerezh an heñvelreviaded pergen, an eriunell enkreseiat o terc’hennañ ar vamm azdalc’het ganti en he diabarzh ar c’hastr degemeret e-ser kediañ.

Dav eo merkañ e talvez maouez kastrek kement ha “maouez a zo dezhi ur c’hastr” ha n’eo ket “derc’henn ar vaouez pe ar plac’hig hevelebet ouzh ar c’hastr”.

Pazenn eus frammadur bugelvezhel al libido o tont war-lerc’h ar pazennoù genaouel ha fraezhel, merket gant unanadur al luzadoù darnel dindan hol an organoù-genel ; hogen, e kemm ouzh frammadur ganadel ar gaezouregezh, ar bugel, paotr pe blac’h, ne anavez er bazenn-mañ nemet un organ-genel, an organ gourev, ha kevatal eo kevenebiezh ar revioù d’ar gevenebiezh kastrel-spazhet.

Klotañ a ra ar bazenn gastrel gant uspoent ha diskar kemplezh Edip ; sourus eo enni kemplezh ar spazhadur.

E berr, e c’haller brastresañ ar bazenn gastrel hervez Freud evel-henn :

1) Ent dedarzhel, ar c’houblad keveneboù oberiadezh-gouzañvadezh, sourus er bazenn fraezhel, a lez al lec’h gant ar c’houblad kastrel-spazhet ; hemañ, d’ar gaezouregezh, a vo amsavet gant ar gevenebiezh gourevelezh-benevelezh.

2) E-keñver kemplezh Edip, he deus ar bazenn gastrel ur roll a bouez ; amplegad da ziskar kemplezh Edip eo gourdrouz ar spazhañ, hemañ o tennañ e nerzh eus deur ar paotr ouzh e galc’h, eus dizoloadenn he diouer a galc’h gant ar plac’h.

3) Ur frammadur kastrel zo gant ar plac’h. Stadañ diforc’h ar revioù a enaou enni gourvenn ar c’halc’h ha, da heul, gorial ouzh ar vamm n’he deus ket roet ar c’halc’h dezhi, ha debarzh an tad da ergerc’henn garantez — pa c’hell-eñ reiñ ar c’halc’h pe e gevatal argelel, ar bugel. Evit Freud, n’he devez ket ar plac’hig anaoudegezh eus he gouin.

Sl. COMPLEXE DE CASTRATION ; ENVIE DU PÉNIS ; PHALLUS.