Kalvezder pleustret da greskiñ digonadur ur reizhiad stlennegel dre ober gant ur vostad kewerieroù pe niñvaderioù arveret diaser.

Pa vez un pe lies argerzh (pe c'houlev) o rannañ un pe lies kewerier, e reer anv a liesgouleviñ .

P'o devez an argerzhioù pep a gewerier e reer anv a lieskeweriañ mar rannont ur vemor voutin kenetrezo, a zasparzhañ mar bezont kennasket diwar-bouez ur rouedad.

Teir c'hudenn e vez da ziskoulmañ pa reer gant an argerzhioù a-stur : dispakañ erounezadurioù a-stur (a sevener dre ziorren kentegennoù pe aregoù gouleviñ arbennik), goubredañ an dibun eus kemalennoù 'zo, diogeliñ ar c'hehentiñ etre argerzhioù.