Gwezhiader a ebarzher e jederezh derc'hek ar grenn evit derc'hel kont eus gwerc'hegezh dileizhennoù 'zo.

Muiaat an ec'honad troazh diwar usgrenn plasma ar gwad : gant usgrenn an troazh e-barzh pibell nezek al lounezh e tigresk dassug an dour hag e kresk an degorzh anezhañ ; alese e tisoc'h un troazhvorc'hañ dourek, isvec'hiek a natriom hag a glor ; azoniad a stader er c'hleñvedoù o tevoudañ usgrenn ar plasma, da skouer en diabet gant usvec'h glukoz er gwad hag en troazh, usvec'h urea er gwad, a c'haller dec'han ivez dre ziounit glukoz, urea, mannitol (sl.  coma diabétique hyperosmolaire).

Studi degorzh an dour dindan wered an troazhusvorc'herioù grennel.

Teskad azonoù diwar uheladur grenn ar plasma hag an dourisvec'h kelligel dianlenat : itik, sec'hded glaourgenn ar genoù, koll pouez, asikted, morgud, trec'hwezh, terzhienn skañv, troazhisvorc'h, gwadusvec'h urea ; azoniad devoudet gant uheladur feur kevionennoù ar plasma (natriom) dre adavadur dour : lounezhel (diabet heuz, troazhusvorc'h grennel diabeteion 'zo, h.a.), koazhadel (c'hweladurioù, suc'hadurioù stomok, darc'hoalioù), kroc'henel (c'hwezennoù), analadel (briantenbenañ), pe dre ziouer an enankadoù dour ; en ervez da zisoc'h gant ur c'homa uc'hosmoler ; strafuilhoù o kizañ da heul an diounit dileizhennoù isgrennek kevret gant an hanren hep holen.

Stad ul liñvenn a zo ganti ur grenn (Gl.  pression osmotique) izeloc'h eget grenn ul liñvenn all a-ziastok ganti.

Teskad azonoù diwar izeladur grenn ar plasma ha, da heul, an dourusvec'h kelligel o tarvezout e stadoù isvec'h ar c'hevionennoù plasmatek (natriom pergen), azoniad dec'hanet gant koll an holen (c'hweladoù, darc'hoal, skorted uslounezhel lemm) pe gant azdalc'h lounezhel an dour (skorted al lounezhi pe ar galon) ; anv a reer neuze eus azoniad pistriadur dre an dour, naouus dre an anilboued, an doñjer ouzh an dour, glebder glaourgenn ar genoù, ar c'hweladoù, an troazhisvorc'h, ar gwadisvec'h natriom ha klor, ar gwadusvec'h urea, an asikted, ar glazoù, ar c'hlopennad, ar goabrennegezh, ar glizi hag ar c'homa a-wechoù  ; d'e brederiañ ez argrenner an euvriñ dour ha, diouzh ret, e tiounezer holen.

Darallad al lounezh da heul trefennadoù dileizhennoù usgrennek sakaroz, glukoz, mannitol, dekstran 40, aozadoù dargemm evit an troazhluniñ, graet da c'houziviaded an diabet, ar poreadoù troazhadel, ar falladurioù avu pe lounezh ; naouus ent neuziadurel dre goeñvadur kelligoù ar pibelloù nezek, ent klinikel dre skorted lemm al lounezh gant troazhhesk a-wechoù marvus.

Grenn kevionennoù ar plasma, o perzhiañ en eskemmoù dour etre ar gennadoù en- hag ezkelligel ; an diforc'h eo etre ar grenn hollel (eus 308 da 310 mOsm/l) ha grenn an urea hag ar glukoz ; ent reol, emañ g.g.a.p. etre 292 ha 308 mOsm/l (sl.  comprimé, oncotique : pression ∼ ).