Unan eus hanteradoù dourennel an hangae kelligel borc'het gant al limfokit toazonamplegat ; distrujañ a ra ar c'helligoù a vez o keraezañ, hag int douger pe get d'an antigen ez eo bet kizidikaet outañ al limfokit.

Astal kleñvedel ha diwezhel argerzhioù ar beved en ur gellig pe ur gwiad etre elfennoù all manet bonan, hag an treuzfurmadoù gwiadurel ha korfadurel dianlenat ; er c'halonvarrwezañ, e reer marvennad eus derez eizhañ gouzañvder ar c'haher kalon da heul steviadur ar gurunerenn gant distruj ar c'haherwiennoù e gounid ur gwiad anniñv ent tredanel, erzerc'het gant steuz ar wagenn R, amsavet gant ur wagenn Q pe troet en ur wagenn QR.

Marvennad heskwadien hollad an elfennoù kelligel eus pluskenn al lounezh (Bloueigoù, epitelienn ar pibelloù nezek pergen, talmerennigoù). Darvezout a ra ar peurliesañ da heul darvoudoù amiegel (Gwatoñv drektorzhienn), dibaotoc'h e-doug ur poreadur, ur pistriadur, un daraez, ur bleuz, un dourisvec'h muiek. Deraouiñ a ra dre un damantroazh trumm e raokadur alies, gant ur c'hoempad hag a-wechoù gant ur gwadloezañ rust. Grevus kenan eo an dedro emdarzh, marvus afo en un daolenn antroazh dieiltro pe daoust da adkrog an troazhvorc'h ; a-wechoù, neoazh, e teu ar pare, gant ur skorted lounezh dilerc'hiat bras avat.

Heñvelster gant marvennadur ar vezonenn lounezh (Gl. nécrose médullaire rénale). Marvenn heskwadel kantet e pikernennoù al lounezh hag alies er begennoù, a-gevaraez da boreadur al lounezh, da vezañs un diabet, d'ur skoilh war ar forzhioù troazhañ pe da euvridigezh hirbad fenaketin. Enkelat ent klinikel e vez pe erzerc'hañ a ra dre droazhwadegezhioù digevret, dre ur skorted lounezh damantroazh, pe c'hoazh dre un daolenn lestrlounezhfo lemm pe c'houlemm. An troazhluniñ a laka war wel skeudennoù kavennek, e stumm gwalennoù pe pavioù krank.