Rann eus ar Vevoniezh oc'h imbourc'hiñ al luniadoù molekulel (da skouer hini an RNA hag an DNA) ; tro a ra, diwar-bouez hilsontoù (Gl.  sondes génétiques), da hennadiñ garvevion, da zeznaouiñ kleñvedoù hêrezhel ha yoc'hennoù ; ur skourr anezhi, an Hiloniezh volekulel (Gl.  génétique moléculaire) zo en orin an Hilouriezh (Gl.  génie génétique), embregouriezh dazverañ ar gen (Gl.  manipulation génétique) ha, dre se, kevanaozañ ha kenderc'hañ danvezennoù bevedel (hormonoù, vaksinoù).

Diskiblezh o tedalvout hentennoù ar Fizik molekulel da studi ar beved.

Keal a Vevoniezh volekulel, protein o tiogeliñ arc'hwelioù molekulel ar c'helligoù hep kemer perzh enno ; ur roll o defe ar chapronoù evit parraat ouzh miarc'hwelioù kelligel naouus d'un niver bras a gleñvedoù (Parkinson, Alzheimer, korea Huntington, mukoviskidoz, h.a.).

Skourr a 'n Hiloniezh o studiañ, e par ar molekul, dafar treuzkas an doareennoù hêrezhel, al luniadur hag an arc'hwelerezh anezhañ : dasparadur stlennadoù an DNA, an treuzskrivadur anezho war an RNA ha roll hemañ en enaozerezh ar proteinoù.

Kleñved diwar un namm genezhel ha hêrezhel o herzel a enaozañ ur stroll molekulel anenzimatek, sk. : an hemoglobinozioù ma par ar gouziviad un hemoglobin kleñvedek (S, C pe all) e-lec'h an hemoglobin bonan ; hiziv e tenner da renkañ e-touez ar k. m. an anaezioù diwar ezreolderioù an enzimoù hag an antikorfoù ha zoken kleñvedoù arzeuat (leukemiezhoù 'zo ma kaver hemoglobinoù hag enzimoù ezreol) (sl.  hémoglobinopathie).