1 Padvezh etre an ampoent ma tarvez un anadenn hag ar pred ma erzerc'h ent klinikel, sk. : mutvezh en treloezadoù pervez pe mutvezh treitour (Gl. intervalle libre dans les perforations intestinales pe accalmie traîtresse). 2 Padvezh etre deroù ur fennad gwad enklopennel hag ar strafuilhoù nervel kentañ diwar amwask an empenn pe hegad ar pilhon, un nebeut eurvezhioù goude an daraez klopenn pa vez fennadoù war-dev ha betek devezhioù goude pa vez fennadoù is-tev (mutvezhioù er fennadoù gwad enklopennel, Gl. intervalle lucide pe libre dans les épanchements sanguins intracrâniens).
Rann eus dour ar bevedeg na vez ket kevreet ouzh molekul all pe ouzh danvezennoù dourlen ; emañ an dizeul anezhi e dalc'h an hormon eneptroasheiat hag al lounezh.
Termenoù o kennotañ, diouzh ar savboent armerzhel, an diforc’h a ra Freud etre argerzh kentael hag argerzh eilvedel. En argerzh kentael e lavarer ez eo diere pe hever ar gremm e kement ma ver davit diskarg en doare herrekañ hag eeunañ ; en argerzh eilvedel, ez eo ereet, e kement ma’z eo daleet ha reolet e lusk davit diskarg. Diouzh ar savboent dedarzhel emañ ar stad diere e diagent ar stad ereet, houmañ o verkañ un derez uheloc’h e luniatadur ar reizhiad vred.
Amprestet eo an daouad termenoù-se diouzh ar fizik. Helmholtz, anavezet mat e labourioù gant Breuer ha Freud, a enebe lebendige Kräfte (fiñvnerzhoù) ouzh Spannkräfte (stennerzhoù) ; fizikourion all a lakae keñver-ha-keñver “gremm barrek” ha “gremm fiñvek”. Oc’h ober dave ezpleg d’ar c’healioù-se, e klask Breuer termenañ ur furm a c’hremm barrek bezant er reizhiad nervel hag e ra anezhañ “stennadur nervel” pe c’hoazh “gremm paouezek”. Freud eo a zegasas an termenoù “gremm diere” ha “gremm ereet” ha dreist-holl keal diagentelezh ar gremm diere war un dro gant an diforc’h etre argerzh kentael hag argerzh eilvedel.
Ikter naouus dre ezvezañs al livegennoù bestlel en troazh ha gwadusvec'h ar bilirubin ankeveil ; hemañ, dourandileizh, ne vez ket degorzhet gant al lounezhi met treuzfurmet en urobilin ezvevennet en troazh ; un ikter skañv eo, dezhañ lies arbenn : e par ar c'helligoù ruz, an distruj reñverek anezho o tevoudañ un usvec'h bilirubin (ikter gwadloezadel) pe ezreolderioù en o furmidigezh (amwad Biermer, moramwad), e par ar gellig avu dic'houest da geveilañ ar bilirubin e diouer an enzim rekis ; dibad e c'hell bezañ an divigad enzimatek, evel en ikter an nevezc'hanidi, pe diwezhel, klok evel en ikter ganedigel Crigler ha Najjar, pe diglok, evel e gwadvestlegezh familhel Gilbert (sl. anémie pernicieuse, bilirubinémie, cholémie familiale, thalas-sémie).
Hentenn oc’h enderc’hel da eztaoliñ hep disparzh kement mennoz a sav er spered pe diwar un elfenn roet (ger, niver, skeudenn hunvre, derc’had), pe diwar emdarzh.
Diazez ar c’halvezerezh-bredelfennañ eo araezad ar strollata frank. Dizoloet eo bet tamm-ha-tamm etre 1892 ha 1898.
Ar ger “frankiz” n’eo ket da vezañ komprenet er ster “andesaveladur”. Pal ar frankstrollata eo hepkoriñ un diuz mennet eus ar mennozioù pe, hervez termenoù al lunegor kentañ freudek, tremen e-biou d’an eil karez (etre emouez ha ragemouez), hag evel-se lakaat a-wel gwered ar garez kentañ (etre ragemouez ha diemouez), eleze an difennoù diemouez. Erziwezh, e talvez hentenn ar frankstrollata da lakaat a-wel un urzh savelek o ren en diemouez. “Pa vez dilezet an derc’hadoù-davedenn (Zielvorstellungen) emouez, ez eo an derc’hadoù-davedenn kuzh a vez o ren war froud an derc’hañ.”
“libre” déplacement de l’énergie, treuzlec’hiadur frank ar gremm-annodiñ (sl. DÉPLACEMENT) ; énergie libre — énergie liée, gremm diere — gremm ereet (ÉNERGIE LIBRE — ÉNERGIE LIÉE) ; l’état libre précède l’état lié, emañ ar stad diere e diagent ar stad ereet (sl. ÉNERGIE LIBRE — ÉNERGIE LIÉE) ; énergie libre — énergie liée, libération — liaison, gremm diere — gremm ereet, dilaoskiñ — eren (sl. PRINCIPE DE CONSTANCE) ; ce que Freud traduit en termes de libre circulation d’énergie dans les neurones n’est que la transposition de son expérience clinique : la libre circulation du sens qui caractérise le processus primaire, o tezrevellañ amred frank ar gremm en neuron ne rae Freud nemet deveizañ e stadadennoù klinikel : amred frank an eul, dezverk an argerzh kentael (sl. PRINCIPE D’INERTIE) ; l’existence et le rétablissement d’un niveau optimum sont la condition qui permet une libre circulation de l’énergie cinétique, ar vezañs hag an adsav eus ul live gwellek zo araezus da amred frank ar gremm fiñvek (sl. PRINCIPE DE CONSTANCE).
Bonad kimiek kediedik kenan en araez da zevoudañ anafoù kelligel. Herzel a ra molekul 'zo (vitamin A, E, h.a.) ouzh ar gwered-se (bonadrezharzerioù, eneboksiderioù).