l’investissement par le moi de représentations, ar me […] o kevannodiñ derc’hadoù (sl. CONTRE-INVESTISSEMENT) ; l’égoïsme se définit comme investissement par les pulsions du moi, le narcissisme comme investissement du moi par les pulsions sexuelles, ar veañs o vezañ termenet evel annodadur gant luzadoù ar me, an narkisegezh evel kevannodadur ar me gant al luzadoù revel (sl. ÉGOÏSME) ; le contact corporel étant le but immédiat de l’investissement d’objet aussi bien agressif que tendre, ar stekiñ korf o vezañ pal kentizhek an annodiñ, argadus koulz ha tener, en ergerc’henn (sl. ISOLATION) ; un objet d’amour investi par le ça, un ergerc’henn a garantez kevannodet gant ar se (sl. MOI) ; une identification primaire à un autre être, investi de la toute-puissance, un hevelebiñ kentael ouzh ur boud all, engwisket dezhañ an hollc’halloud (sl. MOI-IDÉAL) ; un retournement sur le moi de la libido, retirée de ses investissements objectaux, un eiltroadur ouzh ar me eus al libido, didennet eus he annodadoù ergerc’hennel (sl. NARCISSISME PRIMAIRE, NARCISSISME SECONDAIRE) ; un ensemble de neurones ou de représentations où se maintient un niveau constant d’investissement, un teskad neuron pe derc’hadoù a vez arstalet an annodadur enno (sl. PRINCIPE DE CONSTANCE) ; par les investissements qui en émanent, il inhibe le libre écoulement, et le transforme en investissement quiescent, dre an annodadurioù o loc’hañ diouti, e heud an diver frank, en en treuzfurm en annodadur paouezek (sl. PRINCIPE DE CONSTANCE) ; les représentations sont investies d’une façon plus stable, kevannodet e vez stabiloc’h an derc’hadoù (sl. PROCESSUS PRIMAIRE, PROCESSUS SECONDAIRE) ; la représentation de chose serait tenue par l’enfant comme équivalent de l’objet perçu et investie en son absence, e ve tremenet gant ar bugel an derc’had tra da gevatal an dra merzet ha kevannodet en diouer anezhañ (sl. REPRÉSENTATION) ; la distinction entre la trace mnésique et la représentation comme investissement de la trace mnésique, an diforc’h etre ar c’hounlerc’h hag an derc’had evel kevannodad ar c’hounlerc’h (sl. REPRÉSENTATION) ; une représentation qui serait totalement désinvestie, un derc’had a ve peurzigevannodet (sl. REPRÉSENTATION) ; apport d’un investissement supplémentaire à une représentation, une perception, etc., déjà investie, degasadenn un annodad ouzhpenn en un derc’had, ur merzad, h.a., kevannodet endeo (sl. SURINVESTISSEMENT).

Meizad armerzhel : stagañ ur c’hementad gremm ouzh un derc’had, ur gronnad derc’hadoù, ul lodenn eus ar c’horf, un ergerc’henn, h.a.

Liesseurt eo an devoudoù lakaet a-wel gant Freud en orin keal an annodiñ : da skouer, un den o kounaat gant diseblanted un darvoud pouezus eus e istor hag o tiskouez from bras da-geñver eñvoradur un darvoudig dister (treuzlec’hiadur, “kammstagadur”). Degaset e voe da ziforc’hiñ an “derc’hadoù” (Vorstellungen) hag ar “pegement kantaezad” (Affektbetrag) stag outo, annodet enno. Ar gur, o tigammañ ar stagadur, zo he amkan adsavelañ al liamm etre eñvor an darvoud hag ar c’hantaezad, o reiñ e-se an dro da ziskargañ hemañ (dianerwezhiañ).

Gant an amzer ez emdroas an displegadurioù roet gant Freud eus an anadennoù-se. En derou en o intente evel argemmadur ur gremm alvezel kevandalc’het e-barzh ur reizhiad neuron. Da c’houde e tifennas hepken tezenn ur “gremm bred” pe “gremm-annodiñ” oc’h amredek en ur “benvegad bred”, ur “reizhiad vred”, — gremm bred heñvel ouzh ar gremm alvezel dre e arvezioù kementadel. Risklañ a rae enta etrezek un arver skeudennel eus an termenoù “gremm”, “annodiñ”.

Anatoc’h ez a c’hoazh an arver skeudennel-se en deskrivadur a ra Freud eus annodadurioù ’zo. Kantreizh eo moarvaat goulakaat bezañs ur gremm alvezel o redek er reizhiad neuron hag o “kevannodiñ” lec’hioù ’zo anezhi pa arvezer da skouer ur c’hantaezad stag ouzh ul lodenn eus ar c’horf pe zoken ouzh un derc’had, un eñvorad. Hogen penaos derc’hel d’ar goulakadur-se pa gomzer a gevannodiñ un ergerc’henn diavaez, un den all ? Hogen, daoust ma chom da zezrevellañ azas keal an annodiñ ez eus anezhañ ur goulakadur-labour eus ar re frouezhusañ.

∆ Ar verb alamanek besetzen a dalvez “pourchas, dasparzhañ, gouzerc’hel” ; ar verb gallek investir, “gronnañ” e lavar ar brezel, “postañ” e lavar an arc’hant ; an termen saoznek cathexis zo un deverad eus ar verb gresianek κατέχω o talvezout kement ha “derc’hel, gouzerc’hel, herzel”. Ar verboù annodiñ (<ann- dodiñ) ha kevannodiñ hag o deveradoù a arveromp en troiennoù-mañ : annodiñ en X (skouer : “annodet eo ar gremm bred, al libido en un derc’had, un ergerc’henn”) ; kevannodiñ X (skouer : “ kevannodet eo an derc’had, h.a., gant al libido, h.a.) ; an annodad (pe, diouzh an dro, ar c’hevannodad) a reomp eus ar c’hementad gremm, ar pegement kantaezad, h.a., annodet en un X ; annodadur, kevannodadur, h.a. (sl. INVESTISSEMENT ).