Anvad lakaet war laurioù an dremm hag a-wechoù ar c'hlopenn, dispislec'h, o sezañ diouzh un tu, alies diouzh an daou du, anat perzhiadur ar gwazhied enno dre o foulzusted hag ar strafuilh gwazhiedloc'hadel o tont d'o heul (ruzded an dremm, darwazh ar c'hevresaeoù, daeraouiñ, beradur ar fri ha fri stanket).
Nervost o sezañ e tiriad an nervenn drigevell pe unan eus he barroù ; diforc'hiñ a reer : 1) an n. hennadek (Gl. n. essentielle) pe kleñved Trousseau, spanaus, o tedreiñ dre varradoù trumm, grizias, un nebeut eilennoù pad, peurliesañ delanket gant ur gentrigadenn, etrezo prantadoù kalm chok, 2) n. azoniek, diseurt o arbennoù hag o arvez klinikel (sl. algie craniofaciale, algie vasculaire de la face, tic douloureux de la face).
Osod dazluniañ an dremm.
– Dremmosod diavaez (Gl. prothèse faciale externe Sz. facial prosthesis) a reer eus an osod dazluniañ goude kolloù danvez bras eus an dremm.
– Dremmosod engronnet pe surjianel (Gl. prothèse incluse Sz. surjical prosthesis) a reer eus un osod enlakaet e-barzh ur wiadenn pe e sell an atelviñ pe e sell an azgouestaat arc'hwelel.
– Dremmosod stankañ (Gl. prothèse obturatrice Sz. obturator prosthesis) a reer eus an osod o tazluniañ speurennoù kavenn ar genoù goude ur c'holl danvez (hemañ o vezañ ar boulc'h fri-genoù, dazbid ar garvan, andlid gouel-stavn).
– Steudell denteeunañ (Gl. prothèse orthodontique Sz. orthodontic prosthesis) a reer eus an ardivink arloet ouzh ur wareg dent e pazenn an ergurañ, ar c'hurañ pe ar stabilaat.