Naskoù stirek etre daou boent eus speur an amnion pe etre an amnion hag ar grouell ; e devoud an ambidoù ganedigel e vent.
Emzalc'h galen ur bugel ouzh e vreudeur ha c'hoarezed kantaezet evel emgorerion pa rank rannañ ganto preder ha karantez e gerent.
Er Bredelfennerezh, kemplezh kreizet war eriunell ar spazhadur ; gant bredelfennerion 'zo eo bet astennet keal ar spazhañ betek ober anezhañ un heñvelster d'an dioueriñ ; e se e ra aozerion 'zo gant geriennoù evel spazhadur genaouel (Gl. castration orale).
1 Termen hollek arveret da venegiñ an teskad elfennoù a ya d'ober ul luniad bonan pe gleñvedel. 2 Kevreted daou anaez war an un lec'hienn groc'hen pe glaourgenn (livant meizh ha livant argalet, mezennbeskennfo ha kantroazhfo, h.a.). 3 Er Bredelfennerezh, luniad diazez eus an darempredoù etrepersonel hag an doare ma emsavlec'h ar gouzrec'h en e geñver (sl. castration : complexe de —).
Kemplezh kreizet war eriunell ar spazhadur, houmañ o reiñ respont d’an amrin ez eo evit ar bugel an diforc’h korfadurezh etre ar revioù (bezañs pe ezvezañs ar c’halc’h), displeget dre lamidigezh ar c’halc’h digant ar plac’h. Disheñvel eo luniad ha gweredoù kemplezh ar spazhadur hervez ar revioù : gant ar paotr e sav an aon na zeufe e dad d’e spazhañ en abeg d’e oberiezh revel ; gant ar plac’h e vez kantaezet ezvezañs ar c’halc’h evel ur c’haouadenn a glask-hi dinac’h, kempouezañ pe digoll. Emañ kemplezh ar spazhadur e darempred strizh gant kemplezh Edip hag, ent arbennik, gant an arc’hwel-berzañ ha -reoliñ a zo enni.
Termen arveret gant Jung evel kemparzhek d’an Edip gourevel, ar plac’h vihan o kaout, hervezañ, e-keñver he mamm un amluskegezh heñvel ouzh hini ar paotr bihan e-keñver e dad. Dizarbennet eo bet seurt tezenn gant Freud ha dialiet gantañ arver an termen.
Termen degaset gant Adler, oc’h aroueziñ dre-vras kement emzalc’h, derc’had, real o tiskouez en un doare kuzh pe goloet ar santad bezañ istalvoudek.
Sl. SENTIMENT D’INFÉRIORITÉ.
Teskad frammet a c’hoantoù orget ha galen a-berzh ar bugel e-keñver e gerent. En he furm yael, ez adkaver al luniad eus istor Oidipous-Roue : ar c’hoant ma varvfe ar c’hevezer ez eo an dudenn genrev hag ar c’hoant revel d’an dudenn allrev. Er furm nac’hel e kaver ar gin : karantez ouzh ar c’har kenrev ha kasoni warizius ouzh ar c’har allrev. En devoud e vez an div furm kemmesket diouzh derezioù diseurt evit ober ar furm lavaret klok eus kemplezh Edip.
Hervez Freud, emañ ar buhezadur eus kemplezh Edip en e varr etre tri ha pemp bloaz, da-geñver ar bazenn gastrel ; he diskar zo merk ar mont tre en enkelvezh. Da vare ar gaezouregezh e c’hoarvez dezhi adenaouiñ ha bezañ mestroniet gant ur berzh bras pe vrasoc’h hervez ar rizh dibarek a zebarzh ergerc’henn.
Ur roll-diazez zo da gemplezh Edip e luniatadur ar bersonelezh hag e durc’hadur an eriunañ.
Gouez d’ar vredelfennerion ez eo-hi ahel-daveiñ pennañ ar vredkleñvedouriezh, hag evit pep furm a gleñved e strivont da spisaat ar modoù eus he savlec’hiadur hag eus he diskoulmadur.
Unan eus amkanioù an denoniezh vredelfennadel eo adkavout an tric’horn edipel, hollveziadel hervezi, en holl sevenadurioù ha n’eo ket hepken e-barzh ar re ma ren ar familh briedel.
Kediad un antigen hag un antikorf spesadel, lec'hiek pe amredat, en araez da lenañ ar glokaenn ; mar bez kenfeur an antigen hag an antikorf hevelep ma kenemneptuont pe mar bez reñverek an antikorf, e c'houzedont e rezh kemplezhioù dizileizh a vez fagokitet diouzhtu ; mar bez reñverek an antigen, e tisoc'h kemplezhioù hezileizh a chom en amred, en arvar da zevoudañ anadennoù kleñvedel, leiek pa vez izel tolz mol an antigen, grevusoc'h pa vez bras e dolz mol, rak neuze e tarvez ur blivadur lec'hiek ha bloc'hek eus ar glokaenn hag anaezioù liesseurt a anver kleñvedoù an hangaegemplezhioù : anafoù war speur ar gwazhied bihan, el lounezh pergen (glomerulonefrit), er flugez all (avufo, kirroz, fibroz ar skevent), er c'hroc'hen (lupuz, skleroderma), en arzoù (liesarzfo rumatoidel), h.a.
Termen arveret gant Freud da verkañ unan eus arvezioù pennañ kemplezh Edip : an darempred amluskek ouzh an tad.
une organisation complexe de la mémoire, un urzhiatadur kemplezh eus ar c’hounerezh (sl. ASSOCIATION) ; complexes de représentations, kemplezhioù derc’hadoù (sl. ASSOCIATION) ; la conception de Freud est critiquable en ce qu’il prétend expliquer le complexe (la perception) par le simple (la représentation), arzaeladus eo meizadur Freud pa venn displegañ ar c’hemplezh (ar merzout) dre an eeun (an derc’hañ) (sl. ÉPREUVE DE RÉALITÉ) ; l’activité de pensée compliquée qui se déploie de l’image mnésique à l’établissement de l’identité de perception, an oberiezh-dezevout luziet o vont eus ar gounderc’hadenn betek saveladur an hevelepted-verzout (sl. IDENTITÉ DE PERCEPTION — IDENTITÉ DE PENSÉE).
Teskad frammet a zerc’hadoù hag a eñvoradoù, dezho kantaezegezh vras, diemouez evit darn pe en holl. Amparet e vez ar gemplezh diwar an darempredoù a ya d’ober istor ar bugelvezh. Ganti en em gav luniataet pep gwastad eus ar bred : ar fromoù, an emzalc’hioù, an ersavioù azas.
A-douez ar gerioù he deus ar yezh voutin amprestet digant ar bredelfennerezh ez eo moarvat an termen kemplezh an hini boazietañ. Koulskoude ne vez ket arveret nemeur gant ar vredelfennerion dres en abeg d’an treuz implij a vez graet anezhañ. Tri ster a c’haller digejañ dezhañ :
1) Ar ster orin o verkañ ur c’hempennadur stabil a-walc’h a chadennadoù-strollata. Er c’hemeradur-mañ e ra aozerion vrezhonek ’zo gant ar furm “kemplezhiad” ; hogen, o vezañ ma reer gant an termen evit aroueziñ koulz framm ar c’hempennadur hag an endalc’hed anezhañ, ez eo eeunoc’h ober gant ar bonad “kemplezh” hep-mui.
2) En ur ster hollekoc’h ez anver a-wechoù “kemplezh” un teskad tresoù personel mui pe vui frammet, — o c’houlakaat e kaver aze furm digemm ur blegenn eus ar bugelvezh a dalvezfe da luniata ar plegennoù nevez. Freud e-unan en deus diskuliet seurt gwariadur bredonielour eus arver an termen.
3) En e ster strizh — an hini a gaver er c’herienn “kemplezh Edip” — ez arouez an termen ul luniad-diazez eus an darempredoù etrepersonel hag an doare m’en em savlec’h ar gouzrec’h ennañ.
Kalonanaez ganedigel dibaot, naouus dre ur c'hehentad etre-kofigoù uhel, dehouloadur an aortenn, usvoll hag uswask talmerennoù ar skevent ha dre usteñv ar c'hofig dehou a ziflistr lod eus e wad en aortenn ; an dedro, merket ent klinikel gant an dulaz hag ar skrouediadoù gwad, a ya peurliesañ d'ar marv a-raok an tregontvet bloavezh.
Hervez Adler, kentrader an termenoù-se, santad soliet en ur gwander organel gwerc'hel a strivfe an den d'e gempouezañ, gwikefre a ve en orin an holl neurozioù ; Freud a ziorzhas tezennoù ar raklenad organel hag an dianlenad hollek dre loañ santad an tru e-touez an azonoù neuroz.
Trevnad loet e blein kern ar c'helligoù epitelel ouzh o endlidañ hag o stankañ an esaou etrezo, anezhañ teir reizhiad juntañ : adalek ribl rez ar gellig betek an donder : ar zonula occludens, ar zonula adherens hag ar macula adherens.
Arvez eus an empennvarrwezañ naouus dre ur wagenn c'horrek dastroc'het gant luskelladoù herrek, a stader e-kerz ar c'housk, ar c'homa, an hunwezhiñ evel respont d'ur fraouaat skiantennel.
(Bredelfennerezh) Emzalc'h reol ar bugel etre 3 ha 5 bloaz, orget ouzh e gar allrev ha galen ouzh e gar kenrev, anezhañ hervez Freud ar skoulm a zo en e zalc'h an diorreadur bredrevel a-bezh (sl. GBLF § 212).
Anadenn empennvarrwezadel gemplezh oc'h arreata gant un talm reoliek a 3 pe 3,5 dre eilenn, anezhi ur pik (0,08 s) heuliet diouzhtu gant ur wagenn volzek a heled damgevatal, gorrekoc'h (0,2–0,5 s), erzerc'had rizhek eus an droug bihan (Gl. petit mal), furm droukfell leiek (sl. électroencéphalo-gramme, épilepsie généralisée).
Stroll globulinoù a gendaol, pa vezont kediet ouzh ar Ca 2+ hag ouzh an tromboplastin, da furmiñ an trombin. Er stroll emañ ar protrombin, an akelerin, ar c'honvertin ha ar barenn Stuart.