Trevnad kemplezh proteinoù, parenn anspesadel bezant er gwadveiz, ganti ur roll pouezus en erwezhioù difenn hangaeel, anezhi 11 kedrann niverennet eus C1 da C9 (C1 o c'hoarvezout eus an teir isrann C1q, C1r, C1s) ; angwezhus diouti he unan, ned a gwazhus ouzh an antigen nemet p'en deus an antikorf spesadel (ar c'hizidikaer) naouaet hemañ ha, lenet outañ, furmet un hangaegemplezh ; lavarout a reer neuze e vez blivaet ar glokaenn hag, en degouezh, e komzer a hent blivaat klasel (Gl.  voie classique d'activation, Sz.  classical complement pathway), tri zennad ouzh e ober : 1) lenañ a ra ar glokaenn ouzh ar parzh antikorf eus an hangaegemplezh dre he c'hedrann C1 (unvez naouaat, Gl.  unité de reconnaissance), 2) ar blivaat a dreled aristenn betek C3 dre hantererezh C1 ha C2 (unvezioù blivaat, Gl.  unités d'activation) ha, da heul, betek ar c'hedrannoù all (adalek C5 betek C9) 3) ar re-mañ a len ouzh kennennoù ar c'helligoù douger an antigen hag o distruj (unvezioù gouren, Gl.  unités d'attaque) ; blivaet e c'hell bezañ ivez ar glokaenn gant estreget an antigenoù, anv a reer neuze a hent blivaat dazeilat (Gl.  voie alterne d'activation, Sz.  alternative complement path-way) ; erfin, harzerioù pe ezniñverioù (Gl.  inhibiteurs) a c'hell skoilhañ ouzh dibun ar blivaerezh ; er Gleñvedouriezh e tiskouez bezañ bras ouzh bras roll ar glokaenn, pe re izel e ve ar bec'h gwad anezhi evel er c'hleñvedoù dre zreistkizidigezh, er poreoù, en imboudadurioù, en anaezioù mezhurel (kirroz, isvagadur), pe re uhel evel en erwezhioù tanijennel (kleñvedoù yud, angwazhiad a 'r c'haher kalon, urloù) (sl.  anticomplé-mentaire, anticorps, auto-immunité, complexe immun, cytotoxicité, système HLA).