Eeunenn bet despizet evel oc'h eren an daou boent eus ar galon a zo etrezo en e vrasañ ar c'hemm barr stadet dre ar c'halonvarrwezañ.
Gorregañ (tolc'had diglok) pe arsaviñ (tolc'had klok) eus treled gwerederezh tredan ar galon ; hervez an degouezhioù e sez ar mire (direizh an tredanren) : 1) er c'hevre god-kentez (tolc'had god-kentez) ; 2) etre an daou gentez (tolc'had etre-kentezoù) dre anaf hordenn Bachmann ; 3) etre ar c'hentezoù hag ar c'hofigoù (tolc'had kentez-kofig) ; 4) war varroù dehoù pe gleiz an hordenn gentez-kofig pe hordenn His (tolc'had barr) pe en ur c'havaz eus ar barr kleiz (tolc'had rannvarr araok pe adreñv) ; 5) e par rouedad Purkinje (tolc'had bleñchennoù, tolc'had rouedad, tolc'had purkinjeel, tolc'had annonek) ; 6) e par speur ar c'haher kalon (tolc'had speur), tolc'had hemañ na ziforc'her ket peurliesañ diouzh an tolc'had purkinjeel.
Teskad an anadennoù stenel dec'hanet gant trovezh ar galon : 1) trouz kentañ (T₁) (Gl. premier bruit, B₁ , Sz. first heart sound, S₁ ), e pennderoù an drovezh kalon, diwar serridigezh an trapigoù kentez-kofig ; 2) tav bihan (Gl. petit silence), diouzhtu goude, e-doug sistol ar c'hofigoù ; 3) eil trouz (T₂) (Gl. deuxième bruit, B₂ , Sz. second heart sound, S₂ ), diwar serridigezh ar sac'helloù kornloarek aortek hag a-skevent ; 4) tav bras (Gl. grand silence), didrouz er selaouennañ etre an eil trouz ha deroù an drovezh da heul, kempred gant diastol ar c'hofigoù ; Daou drouz all a seller evel bonan evito da vezañ degouezhek : 5) trede trouz (T 3 ) (Gl. troisième bruit, B 3 , Sz. third heart sound, S 3 ), trouz deroù-diastol a stader alies gant an den yaouank en e c'hourvez, kevaraezet gant ar c'halonustead, diwar daskren ar c'hofig kleiz e-kerz e leugnidigezh ; 6) pevare trouz (T 4 ) (Gl. quatrième bruit, B 4 , Sz. fourth heart sound, S 4 ), daskren izeldalm a-raok an trouz kentañ, dinoet dre ar c'halonstenwezer, test eus sistol ar c'hentez.
Organ kaherek kleuz o wezhiañ amred ar gwad dre e argrezadoù korvezek ; loet e kavenn araok ar poullkreiz, anezhañ teir sae : diabarzh, an enkalonenn ; etre, ar c'haher kalon ; diavaez, an amgalonenn ; ouzh e ober daou gentez ha daou gofig, dehou ha kleiz, etrezo ur speur, an dilhenn ; dre ur gwask sac'hellek emañ kehent pep kofig gant ar c'hentez a-gendu ha gant an dalmerenn ma kas ar gwad.
Ardivink ensteudadus amkanet da amsaviñ ar galon fellat, pe ent padennek (war c'hortoz eus un treuzplantadur), pe da vat.
Teskad ar rouestladoù kalon da gleñved Basedow : trec'hwezh, rastrid, dreistsistoloù, barradoù ustead, ankorvez a c'hell disoc'h er skorted kalon ; azoniad stadet en adenomoù pistriek hag er pennsac'hoù liesnozelek pistriek (sl. adénome thyroïdien toxique, cardiothyréose).
Daskemmadoù stadet a-wechoù war galon an dud yac'h oc'h embreger ur gourdonerezh sportel rennek ha hirbad, kalonistead godel, kofigusteñv, tolc'had kentez-kofig a 1ñ derez.
Kalon usteñvek en he fezh.
Skinlun ar galon o lakaat war wel usteñv ar c'hofig dehou naouus dre ar muiadur a-zremm ha war zehoù eus skeudenn ar galon ha gwintadur kern ar galon.
Falladur kalon o tarvezout da heul ur strivad taer pe ur skuizhad hirbad.
Kalonustead godel genezhel, peurzalc'hus pe devoudet gant ar strivadoù, ar fromoù, al loadur war sav, kevret gant rastridoù, enkrez ha strafuilhoù gwazhiedloc'hadel ; a-geñver gant distabilded ha hegeuzded ar reizhiad nervstruzhel ha, dre vras, an ustant simpatek.
Teskad an erzerc'hadoù kalon diwar ar skoedisvorc'h : kalonistead, kalonusvent diwar un ensiladur miksedematus er c'haher kalon hag ur fennad en amgalonenn, kalonisvarrwezad ; azonoù a zireer dre ziounit douhennadoù skoedenn.
Skorted ar galon dehou da heul uswask en amred talmerel ar skevent diwar ur skeventanaez ; anv a reer a galon skeventien lemm (Gl. coeur pulmonaire aigu, CPA) pa vez dec'hanet trumm an uswask gant un enfroù skevent bloc'hek pe vruskaezhadoù 'zo, a galon skeventien henek (Gl. coeur pulmo-naire chronique, CPC) pa zarvez an uswask a-nebeudoù e dianlen un anaez analadel henek (emfizem, skleroz ar skevent, astma, distummadurioù bras eskern ar brusk, enfraouioù skevent).
Kammneuziad kalon o c'hoarvezout eus un anvoll mintrek pe aortek ; direet eo ar c'hofig kleiz d'ur gavenn vannek ; amredañ a ra ar gwad dre ar c'hentez kleiz, ar c'hentez dehou dre ur c'hehentad etre-kentezoù, ar c'hofig dehou, ar c'hef a-skevent, an aortenn dre ur san dalmerel dreistpad (sl. canal artériel : persistance du ∼, communication interauriculaire, communication interauriculaire).
Fiñv ar galon a c'hwel en dro da unan eus an tri ahel anezhi : diasaezh, diadreuz pe diahed.
Lankad argrezañ ar galon ma emañ ur broudadur en arvar da zelankañ ur c'hrehad kofigel. Loet eo e dibenn sistol ar c'hofigoù hag ar prantad anvroudadus anezho ; klotañ a ra gant gwagenn T ar c'halonvarrwezad.