A-zivout un danvezenn (seromalbumin, kellig wad, h.a.) o tougen un elfenn a gevaraezo spislec'hiañ he dehentadur hag he delenadur er bevedeg ; an kez elfenn, tieller pe merker (Gl.  indicateur pe marqueur), a vez pe un izotop skinoberiek erlec'hiet ouzh un atom anskinoberiek (¹⁴C ouzh ¹²C da skouer) en ur molekul, ul livuzenn gendreluc'hus dinoadus el luc'h dreistmouk, un antigen koc'hennel hennadet dre an hangaegendreluc'hañ (tiellañ hangaeel), un enzim spesadel d'ur gellig wad (tiellañ kelligenzimatek) (sl.  médecine nucléaire, radiopharmaceutique, scintigraphie, typage).

Prouad o kevaraezañ studiañ koazhadur an druzennoù, anezhañ dezventañ er gwad skinoberiegezh an iod 131 a dalvez da diellañ an triolein euvret gant ar gouziviad. Ur gwadvec'h uhel a erzerc'ha, war un dro, ur c'hoaz-hañ mat gant lipaz an ilgreiz, o tispenn an triolein e trenkenn oleek hag ur sugañ mat anezhi gant ar vouzellenn voan. Ur gwadvec'h izel a zurc'ha an evezh war un diouer lipaz, war ur c'hleñved eus ar vouzellenn voan pe an daou war un dro. Ur prouad gant trenkenn oleek tiellet a gevaraez neuze digemmañ, en arbenn un druzoul, lod an ilgreiz ezvorc'hat ha hini ar vouzellenn voan.