Damkaniezh o tougen war dezrann jedoniel keal an dargouezh. An aksiomatekaat eus damkaniezh an tebegoù a gemer harp war gealioù kentañ a zo an darvoud, an amprouad hag an debegezh.

An darvoud zo ur boud jedoniel desellet diouzh savboent ar seveniñ pe an anseveniñ anezhañ. An amprouad zo disoc'h un arnod dargouezhel a zeu drezañ pe sevenidigezh pe ansevenidigezh nep darvoud roet a-gentouez hag a-zalc'h ouzh an delvan imbourc'het gant an arnod desellet.