(F ab : teskanv Sz.  antigen binding fragment) drailhenn eus ur molekul immunoglobulin G bet troc'het an ereoù peptidek anezhañ gant enzimoù proteolitek ; eus hevelep troc'hadur e tisoc'h 3 zammad : un tammad Fc ha daou dammad Fab ; oc'h ober pep hini eus ar re-mañ ez a un hanter zigorvell ponner stag ouzh un digorvell skañv hag ul load kediañ ouzh an antigen (pep molekul antikorf o vezañ en araez da lenañ 2 volekul antigen).

(Fc : teskanv Sz.  crystallizable fragment) drailhenn diwar droc'hadur ar molekul immunoglobulin G gant an enzimoù proteolitek (sl.  fragment Fab), anezhi an hanter eus an daou zigorvell ponner hep load lenañ an antigen, e se hep araez antikorf ; lenañ a ra ar glokaenn.