Anaez leteñvel ouzh ar spru trovanel o tarvezout en toleadoù kerreizh, kuit a nep beaj er broioù tomm, dianav e ardarzh. Evit aozerion 'zo ez eo heñvelster gant kleñved Gee pe kleñved torel (sl. an termenoù-se).

Darc'hoal gant druzoul o tarvezout er broioù tomm ha gleb, o teraouiñ trumm hag o tedreiñ a-frapadoù war ur goueled henegezh ; alies e vez kevret gantañ un treutadur, un isteñv kaherel muiek, ur genaoufo gloevennek hag aftus tuet da c'houliezañ hag un amwad uslivel. War a hañval ez eo devoudet gant ur poread diwar hadennoù anspesadel, kentoc'h eget gant un arvevadegezh pe gant negezioù vitaminoù, meneget a-wechoù . Ouzhpennomp ivez ar spru surjianel, druzoul dianlenat d'un dazbid surjianel ledek eus ar vouzellenn voan.