Kammneuziad kemplezh a 'n troad o c'hoarvezout eus ur raog troad ezkamm war bleg a-gil, rakkamm ar seul hag enbalirad ar bloc'h fer-bulzuneg ; ent neuziadurel e c'hoarvez an t. p. e. a. eus diazerc'hadur an askorn fer pe eus ar c'henaskornad seul-bulzuneg ; en dro-mañ diwezhañ e reer anv eus troad pioled (sl.  pied convexe congénital).

Distummadur an troad naouus dre steuz argevegezh ar sol, gwariad ar seul war ezkamm, istant ar c'higennoù etreeskernel a-sol, laoskegezh ar stagelloù, ha dazledad ar raog troad war ar sol ; an troad plat ezkamm diasavel (Gl.  pied plat valgus statique), direadus, ne seller ket evel ezreol betek an oad a 5 bloaz (sl.  laxité, tarsalgie des adolescents).