Sammad anion ar plasma gwad a zo o bec'h e dalc'h argemmoù bec'h an ion H ⁺ er gwad, o roll enta skurziñ argemmoù ar pH ; ar pennañ skurzerioù zo ar bikarbonatoù, ar proteinatoù hag an hemoglobinatoù.

Dewerzhadur an unvezioù viruz bezant er plasma, jedet dre vuzuliañ ar c'hementad DNA (eus viruz an avufo B) pe RNA (eus ar VIHAD) ; en dromañ diwezhañ e komzer a samm izel pa vez dindan 5 000 azeilad/mL, a samm uhel pa vez dreist 30 000 ; an dezverk gwellañ eo hiziv evit ditouriñ derez dasparañ ar viruz er bevedeg ha dre se dedroüsted ar c'hleñved.

Feur an ion liesseurt e plasma ar gwad ; en e zalc'h emañ grenn ha kempouez trenkek-bazek ar plasma (sl.  ionogramme).

Skramm o c'hoarvezout a ziv feilhenn wer plaket ouzh daou dal ul laonenn wer dastoullet ingal a-garrez ; ar c'helligoù o tisoc'h a vez leuniet gant ur meskad aezhel diwar neon, o vont luc'hus en aozioù ionaat 'zo.

Leiadur ec'honad ar gwad amredat, displeget, hervez an aozerion, dre azdalc'h ur c'hementad dour er gwiadoù pe dre ur fuadur dour e-maez ar c'horrwazhied aet rehedreuz.

Kas dewerzhet e mL/min eus plasma ar gwad o treuziñ un organ pe un tiriad lavaret ; lanvad plasma gwerc'hek (Gl.  flux plasmatique efficace, Sz.  effec-tive plasma flow) eo kas ar plasma o perzhiañ en arc'hwel spesadel an organ, da skouer, lanvad plasma gwerc'hek al lounezh eo an hini a zegouezh en nefron, o perzhiañ en aozadur an troazh (e-tro 90 % eus al lanvad hollel).

Pad ar c'haoulediñ muzuliet war plasma ar gwad digaouledusaet dre azdodiñ oksalat ha neuze adrazekaet ; par eo da sammad padoù an tromboplastin-furmiñ, an trombinfurmiñ hag ar fibrinfurmiñ ; ent reol e vez gavaelet etre 2 ha 3 munud.

Teskad azonoù diwar uheladur grenn ar plasma hag an dourisvec'h kelligel dianlenat : itik, sec'hded glaourgenn ar genoù, koll pouez, asikted, morgud, trec'hwezh, terzhienn skañv, troazhisvorc'h, gwadusvec'h urea ; azoniad devoudet gant uheladur feur kevionennoù ar plasma (natriom) dre adavadur dour : lounezhel (diabet heuz, troazhusvorc'h grennel diabeteion 'zo, h.a.), koazhadel (c'hweladurioù, suc'hadurioù stomok, darc'hoalioù), kroc'henel (c'hwezennoù), analadel (briantenbenañ), pe dre ziouer an enankadoù dour ; en ervez da zisoc'h gant ur c'homa uc'hosmoler ; strafuilhoù o kizañ da heul an diounit dileizhennoù isgrennek kevret gant an hanren hep holen.

Teskad azonoù diwar izeladur grenn ar plasma ha, da heul, an dourusvec'h kelligel o tarvezout e stadoù isvec'h ar c'hevionennoù plasmatek (natriom pergen), azoniad dec'hanet gant koll an holen (c'hweladoù, darc'hoal, skorted uslounezhel lemm) pe gant azdalc'h lounezhel an dour (skorted al lounezhi pe ar galon) ; anv a reer neuze eus azoniad pistriadur dre an dour, naouus dre an anilboued, an doñjer ouzh an dour, glebder glaourgenn ar genoù, ar c'hweladoù, an troazhisvorc'h, ar gwadisvec'h natriom ha klor, ar gwadusvec'h urea, an asikted, ar glazoù, ar c'hlopennad, ar goabrennegezh, ar glizi hag ar c'homa a-wechoù  ; d'e brederiañ ez argrenner an euvriñ dour ha, diouzh ret, e tiounezer holen.

Niver o tenaouiñ bec'h al livegennoù bestlel er plasma muzuliet war eeun dre livventerezh ; ent reol emañ an niver-se etre 1,6 hag 1,8 ; sevel a ra betek 5 pe 6 pa anad an ikter.

Grenn kevionennoù ar plasma, o perzhiañ en eskemmoù dour etre ar gennadoù en- hag ezkelligel ; an diforc'h eo etre ar grenn hollel (eus 308 da 310 mOsm/l) ha grenn an urea hag ar glukoz ; ent reol, emañ g.g.a.p. etre 292 ha 308 mOsm/l (sl.  comprimé, oncotique : pression ∼ ).