Brizhenn glasruz ganedigel, o koll he liv p'he gwasker, andedroüs, anvezegadus.
Doare ma tle an elfenner selaou ouzh an elfennadour : ne zle a priori brientekaat elfenn ebet eus prezeg ar gouziviad, pezh a empleg e lez e oberiezh diemouez e-unan da vont en-dro ar frankañ gwellañ, oc’h astalañ al luskedoù o ren boas war an evezh. Emañ seurt reolenn galvezel a-geñver gant reolenn ar frankstrollata erbedet d’an elfennadour. “Ar mezeg a rank bezañ e tro da zieulañ kement a glev war-benn dizoleiñ ennañ pezh a zo kuzh en diemouez, ha se hep erlec’hiañ e garez dezhañ ouzh an dibab dioueret gant ar gouziviad.”
Gouez da Freud, e ro ar reolenn-mañ d’an elfenner an dro da zizoleiñ ar stagoù diemouez e-barzh prezeg ar gouziviad. Bennozh dezhi e c’hell derc’hel koun eus ur vostad elfennoù dister evit ur gwel na zeuy a-wel o zalvoudegezh nemet da c’houde.
Evit Freud, ar pal da dizhout e ve ar c’hehentiñ a ziemouez da ziemouez — pezh a rae Theodor Reik anezhañ “selaou gant an trede skouarn”. Kement-mañ a c’houlenn en defe an elfenner e-unan elfennet e luskedoù diemouez.
Furm liken kentañ deskrivet (gant Hebra e 1862 a reas anezhañ lichen ruber ; an anvad l. planus a voe roet dezhañ gant E. Wilson e 1867), dermatoz henek naouus dre grugennoù liestuek digevret pe strollet e rezh plakennoù, gourc'hennek munut, tezellet gant ur rouedad rizennoù opalek (rizennoù Wickham), sezet e lec'hiennoù diseurt eus ar c'horf (arzorn, organoù genel, dargreiz, glaourgenn a 'r genoù) ; kemm a lakaer etre lies seurtad : l. p. isteñvek pe sklerozek, lichen albus, lichen planus obtusus, h.a.