Preder - Geriadur keflinenn

canal sodique ◊ sodium channel ◊ iongan natriom ― Geriadur ar vezekniezh

Iongan ma enank drezañ an ion Na⁺ er gellig ; e-touez ar gourzhalerioù dezhañ ez eus liaoù dieraezer lec'hiek (lidokain), enepmigorvez (kinidin), enepkrid (karmazepin), troazhusvorc'her (amilorid) (sl. canal ionique, pompe à sodium).

chlorure de sodium ◊ sodium chloride ◊ kloridenn b. natriom ― Geriadur ar vezekniezh

Hal diwar gediañ an drenkenn glorhidrek hag an natriom (NaCl), bezant en holen mor hag en holen maen, kedrann eus gwiadoù ar bevion.

hypernatrémie ◊ hypernatraemia ◊ gwadusvec'h natriom g., natriomwadusvec'h ― Geriadur ar vezekniezh

Muiadur ar feur natriom er gwad, ar feur reol er plasma o vezañ etre 2 ha 3,25 g/l (etre 120 ha 150 mmol/l).

hypernatriurèse, hypernatriurie, hypernatrurie ◊ hypernatriuria ◊ troazhusvec'h g. natriom, natriomdroazhusvec'h g. ― Geriadur ar vezekniezh

Muiadur ar feur natriom en troazh, ar feur reol o vezañ etre 2 ha 3,50 g/l (etre 120 ha 150 mmol/l).

hypochlorite de sodium : solution d'∼ ◊ sodium hypochlorite solution ◊ dileizhenn b. hipoklorit natriom ― Geriadur ar vezekniezh

Dilouezer ha dilester haluzennet a arverer dileizhennoù tanav anezhañ dre arloadurioù lec'hiek.

natrémie ◊ natraemia ◊ gwadvec'h g. natriom, natriomwadvec'h g. ― Geriadur ar vezekniezh

Feur natriom er gwad, ent reol ez eo 142 mmol/l (3,25 g/l) plasma.

natriurèse, natriurie, natrurie ◊ natriuresis ◊ troazhvec'h g. natriom, natriomdroazhvec'h g. ― Geriadur ar vezekniezh

Feur natriom en troazh, ent reol etre 120 ha 150 mmol dre 24 h.

pompe à sodium ou à sodium-potassium ◊ sodium pump ◊ porzher g. natriom pe porzher natriom-kaliom ― Geriadur ar vezekniezh

Gwikefre gelligel o kevaraezañ dezougerezh an ion Na⁺ a-dreuz ar goc'henn en eskemm eus ion K⁺ o vont e-barzh ar gellig.

saccharinate de sodium : épreuve au ∼ ◊ ◊ prouad g. ar sakarinat natriom ― Geriadur ar vezekniezh

Prouad amkanet da zewerzhañ tizh amred ar gwad. Muzuliañ a reer ar pad etre ensinkladur engwazhiennel 3 - 5 mL eus un dourzileizhenn sakarinat natriom da 33 % hag ar mare ma verzh ar gouzrec'h ur vlazenn sukret ; ent reol emañ er gavael 10 – 16 eilenn ; hiraet eo e degouezh falladur kalon ; berraet eo er skortedoù kalon uhelgas (Amwad, fic'h talmerenn-gwazhienn, skoedusvorc'h) hag er c'halonnaouedoù ganedigel gant ur skoev dehou-kleiz. An dehidrokolat natriom a c'hell bezañ arveret e-lec'h ar sakarinat ; merzhout a ra neuze ar gouzrec'h ur vlazenn c'hwerv. Ar prouadoù-se zo aet dispredet.

sodé ◊ sodic ◊ ˘soda, natriom, natriomin aa. ― Geriadur ar vezekniezh

Gant soda pe natriom.

sodium ◊ natriom g. ― Geriadur ar gimiezh

sodium ◊ sodium ◊ natriom g. ― Geriadur ar vezekniezh

Elfenn gimiek a niverenn atom 11, a arouez Na. Evel ar c'haliom, emañ an natriom e kerentiad ar metaloù alkaliek, oksidadus kenan enta. Koll a ra un elektronenn evit tremen er stad stabil a ionenn natriom Na⁺, bezant e kediadoù niverus ha paot kenan en natur, evel da skouer ar gloridenn natriom (NaCl), arveret evel holen er boued. Hezileizh kenan en dour e tasperzh an ion Na⁺ e lies dazgwered bevgimiek a-zalc'h gant kennevid an dour, ar c'hempouez trenkek-bazek, h.a.