Perzh gant un emgefread en araez, diwar ur gudenn roet dezhañ da ziskoulmañ, da ziuz ar roadennoù rekis, da savelañ ar belladur gwellañ, da adframmañ e rouedadoù war-benn emazasaat diouzh rizh ar gudenn. Un arvez eus an naouegezh alvezel eo ar gounit deskoni , an deskoniañ ; eleze, diwar geweriañ ar c'hudennoù fiziet ennañ da ziskoulmañ, ez eo barrek an emgefread da zanzen treolioù nevez o tont da glokaat ar re bet trevnet ennañ gant e oberier.

E-touez ar c'hudennoù fiziet en ijinennoù naouek emañ :

- al labourioù yezhel, studi ar gramadegoù furmel, an teulierezh emgefreek, an troerezh emgefreek (oc'h amplegañ dezrann geriadurel, kevreadurel ha steradurel) ;

- naouaerezh al luniadoù ;

- ergerzh maezienn ar bezusterioù : diorbliñ ar gwezennoù diouzh ar skourroù na gasont da zisoc'h ebet ;

- dazvererezh ar riñvennoù aljebr hag an arouezioù, dienaerezh emgefreek an delakadennoù.

Dav ouzhpennañ an dedalvezadurioù : ar roboteg naouek, studi al lavar, ar gouleviñ emgefreek, darvanañ realezh an den, derc'hennañ ar gouiziadur. Blosk ar c'hevarouezerioù en deus roet lañs d'an naouegezh alvezel. E beg an araokaat emañ an ijinennoù neuronel pe a-stur a-vras hag ar c'hendarvanerioù nervgeveler.