Kleñved devoudet gant oberoù pe amveziadoù ar vicher ; kiriek d'ar k. m. e vez gwezherioù fizikel (skinanafoù, kleñved ar c'haelogoù) pe gimiek (darouedenn ar givijerion, kravien ar simanterion), ar pistriennoù (plomegezh, benzenegezh, sulfhidregezh an divlezerion), an hadennoù kleñvedus (burbuenn yud, enkorad diskejañ) ; e pep riez e vez savelet un dezvadur gwaredvezegel resis a-zivout an angemer hag an dic'haouiñ a 'r c'hleñvedoù micherel (sl. accident du travail).
Enstaelañ en ur vicher nevez tud o deus ranket dilezel o micher kent en arbenn eus un namm arzeuet.
Strafuilh an tant kaherel diwar arreata an hevelep fiñvoù, evel glaz ar skrivagnerion, ar bianoourion, ar c'horollerezed.