Preder
1.cycle mémoire ◊ memory cycle ◊ kor memor, memorgor g. ―ioù ― Geriadur ar stlenneg

Heuliad gwezhioù elfennel erounezet gant un ijinenn evit kas da benn un haeziñ ar vemor.

2.cycle mémoire ◊ memory cycle ◊ haezvezh memor, memorhaezvezh g. ―ioù ― Geriadur ar stlenneg

Amzer ret da erounit an haeziñ memor. An haezvezh memor zo an amzer izek etre div haezadenn genheuilh d'ar vemor.

accès direct en mémoire ◊ direct memory access, DMA ◊ haeziñ memor rag-eeun ― Geriadur ar stlenneg

Araezad o talvout da glenkañ en ur vemor herrek ennegadus pe da eztennañ anezhi ur roadenn war c'houlenn un drobarzhell diavaez pe un organ riñvañ ha keweriañ. Ur stignad a vez o trevnañ an tevetoù etre ar goulennoù pa vez meur a venvegad war un dro o klask haeziñ ar vemor.

analyse mémoire ◊ dump ◊ dezrannañ memor, tumpañ ― Geriadur ar stlenneg

Moulañ endalc'had ur vemor e rezh ul listenn werzhadoù daouredel, eizhredel, c'hwezekredel.

antémémoire, mémoire blocnotes, mémoire cache, cache ◊ cache memory, cache storage, scratchpad memory ◊ memor darbar, memor grubuilh, krubuilh b. ― Geriadur ar stlenneg

Memor a zo dezhi un endalc'h bihan hag un amzer haeziñ berr tre, o c'hoari roll ur skurzer etre ar vemor greiz hag unvez keweriañ un urzhiataer ; enni e vez, ent stadegel, an darn vuiañ eus ar stlennadoù rekizadus gant an unvez kreiz hep rekouriñ d'ar vemor greiz, kalz hiroc'h he amzer haeziñ. Ur vemor herrek eo enta ma vez renket elfennoù padennek a-zalc'h ouzh keweriadoù 'zo.

bloc mémoire ◊ memory block ◊ bloc'h memor ― Geriadur ar stlenneg

Teskad bevennek savlec'hioù memor, dewerzhet e kilobitoù pe e kilogerioù, oc'h ober peurliesañ ar c'hementad diazez eus kresk memor ur c'hewerier.

disque compact à mémoire morte ◊ Compact Discread only memory, CDROM ◊ kantenn stumm memor sonn, kantenn stumm memor lenn hepken ― Geriadur ar stlenneg

Skor stlenn a vent vihan, a endalc'h bras, kalvezet heñvel ouzh ur gantenn stumm laserlenn danvezet da gadaviñ ar son.

effacement mémoire ◊ memory erasure, cleaning ◊ karzhañ memor, memorgarzhañ ― Geriadur ar stlenneg

Lemel ar stlennadoù bezant en ur maez memor. Peurliesañ e vez renet ar c'harzhañ gant ur goulev dre enskrivañ ur stlenn dibarek, hep ster, el logoù memor desellet. Er memorioù sonn adc'houlevadus e vez graet ar c'harzhañ dre lakaat ar grug silikiom en ardizh ar skinoù dreistmouk a-dreuz d'ur bualier e speur ar glozenn.

lecteur de carte à mémoire, LECAM ◊ card reader ◊ lenner kartennoù memor, lenner kartedoù, kruglenner, LEKAM ― Geriadur ar stlenneg

Trevnad lenn ar c'hartennoù korramred o tiogeliñ pep gwarantiz a-fet dilesa ha dangelez en haezerezh ar gwazadurioù telemetatek ha da geñver an treuzdougoù arc'hant.

listage de la mémoire, analyse mémoire, vidage de la mémoire ◊ dump ◊ listañ memor, dezrannañ memor, tumpañ ― Geriadur ar stlenneg

Lerc'hwezañ war ur skor, paper peurliesañ, endalc'had a-bezh pe a-zarn ur vemor war-benn diskoachañ ur c'hammad pe ren ur gwiriadur.

mémoire ◊ memory, storage ◊ memor b. ―ioù ― Geriadur ar stlenneg

Trevnad o kevaraezañ mirout ha daskavout ar stlennadoù a venner keweriañ gant un urzhiataer.

mémoire ◊ memor b. -ioù ― Geriadur ar fizik
  • mémoire magnétique memor warellel
mémoire (inform.) ◊ memor b. -ioù ― Geriadur ar jedoniezh
mémoire : accès à la ◊ memory access ◊ haeziñ memor ― Geriadur ar stlenneg

Daskavout ar stlennadoù kadavet en ur vemor hervez ur mod pe vod.

Sl. [accès +] [sélectif : mémoire &]

mémoire à bulles magnétiques ◊ magnetic bubble memory ◊ memor warellnez ― Geriadur ar stlenneg

Rizh memor araezus da lerc'hwezañ stlennadoù e-barzh gwarellnez. Amparet e vez ar stlenn dre ar vezañs pe an ezvezañs eus nez e savlec'hioù dibarek an trevnad.

mémoire à feuillets magnétiques ◊ magnetic strips memory ◊ memor goc'hennoù gwarellek ― Geriadur ar stlenneg

Memor endalc'h bras amparet gant feilhennoù mezell gwarellaet.

mémoire à fil magnétique ◊ magnetic wire storage ◊ memor neudenn warellek ― Geriadur ar stlenneg

Memor a zo he skor gorre ur werenn blaen pe un neudenn a c'houzeder warni ur goc'henn warellek tanav.

mémoire à laser ◊ laser memory ◊ memor laser ― Geriadur ar stlenneg

Memor luc'hel amparet diwar-bouez ur skin laser.

mémoire à lecture destructive ◊ destruction storage ◊ memor lenn rasklus ― Geriadur ar stlenneg

Memor a vez diverket he endalc'had gant ur wezhiadenn lenn (memorioù korennoù, gwarellnez, h.a.).

mémoire à lecture majoritaire ◊ read mostly memory, RMM ◊ memor lenn peurvuiañ ― Geriadur ar stlenneg

Memor arveret dreist-holl evit gwezhiadennoù lenn.

mémoire à lecture non destructive ◊ nondestructive readout memory ◊ memor lenn anrasklus ― Geriadur ar stlenneg

Memor na vez ket daskemmet he endalc'had gant ar gwezhiadennoù lenn (memorioù ledreelloù daouvlein).

mémoire à réseau de bulles magnétiques ◊ network magnetic bubble memory ◊ memor rouedad warellnez ― Geriadur ar stlenneg

E kemm ouzh ar vemor warellnez, e vez amañ rezhiennet ar stlenn gant tu ar c'hwelañ e luniad gwarellel ar speur granennek en-dro da bep nezenn.

mémoire à semi-conducteurs ◊ semi-conductor memory ◊ memor ledreelloù ― Geriadur ar stlenneg

Memor amparet he c'helligoù diwar-bouez ledreelloù.

mémoire à tores ◊ core memory ◊ memor gorennoù ― Geriadur ar stlenneg

Memor vresk ennegadus a rizh diasavel, ma c'hoarveze ar c'helligoù elfennel a gorennoù ferrit.

mémoire analogique ◊ analog storage ◊ memor gemblac'hel ― Geriadur ar stlenneg

Memor ma vez lerc'hwezet ar stlennadoù a-gendalc'h.

mémoire associative ◊ content addressed storage ◊ memor strollatadel ― Geriadur ar stlenneg

Memor ma vez hennadet pep savlec'h, n'eo ket dre un enneg, met dre e endalc'had. Pep roadenn lerc'hwezet er vemor a vez ambrouget gant un alc'houez arglask.

mémoire blocnotes, mémoire cache, cache ◊ scratchpad memory, cache memory, cache storage, cache ◊ memor darbar, memor grubuilh, krubuilh b. ―où ― Geriadur ar stlenneg

Memor herrek ma vez klenket elfennoù padennek a-geñver gant keweriadoù 'zo hag o werediñ evel ur skurzer etre ar bennvemor hag an unvez keweriañ.

Sl. [antémémoire]

mémoire capacitaire, mémoire à condensateur ◊ capacitive memory ◊ memor dougell ― Geriadur ar stlenneg

Rizh memor dialuskel o tanveziñ bec'hiadoù tredan da gadaviñ stlennadoù elfennel e-barzh dougelloù.

mémoire cinématique ◊ kinematic memory ◊ memor diafiñvel ― Geriadur ar stlenneg

Rizh memor ma c'hoarvez ar gwezhiadennoù skrivañ ha lenn E-ser dilec'hiañ pezhioù treloc'hel (lurelloù, kantennoù, kasedoù).

mémoire d'entretien, mémoire de rafraîchissement ◊ refresh memory ◊ memor azgrenaat ― Geriadur ar stlenneg

Memor a-zalc'h ouzh ur c'hewerier kevregañ, enni ar restr wereañ : pourchas a ra ar stlennadoù ret da drezalc'h ar skeudenn erouezet war ar skramm.

Sl. [rafraîchissement]

mémoire de contrôle, mémoire de commande ◊ control memory ◊ memor reoliñ ― Geriadur ar stlenneg

Memor arveret da c'houleviñ arc'hwelioù 'zo, da skouer ar gwezhiadurioù enankañ/ec'hankañ.

mémoire de masse ◊ mass storage ◊ memor a dolp, kadav g. ―ioù a dolp ― Geriadur ar stlenneg

Rizh advemor dezhi un endalc'h bras stlenn a-linenn - ouzhpenn 10¹² a eizhbitoù.

mémoire de trame ◊ bit map ◊ memor anneuenn ― Geriadur ar stlenneg

Memor azgrenaat un hewel c'hwilerviñ anneuenn. He ment a vez kevreizh da zespizadur ar skeudenn e niver ar pikselioù ha da zonder pep hini anezho, despizet hemañ dre vonegañ al liv pe live al loued.

mémoire dispersée ◊ dispersed memory ◊ memor strewet ― Geriadur ar stlenneg

Familh a vemorioù luc'hel o tennañ korvo eus an ec'honlunerezh da lerc'hwezañ ar roadennoù.

mémoire dynamique ◊ dynamic memory ◊ memor dialuskel ― Geriadur ar stlenneg

Rizh memor ma vez klenket ar stlenn en ur gellig eus ar skor e-doug ur pad harzek hep-mui. Evit na ve ket kollet ar stlenn e ranker e azbevaat a wechoù ingal. War se e reer da hollad ar stlennadoù amredek e diabarzh ar vemor. Anvadoù all ar vemor dialuskel : memor amredat , memor drebunat , memor dreledat .

mémoire fichier ◊ file storage ◊ memor restr, kadav restr ― Geriadur ar stlenneg

Rizh advemor o c'hoarvezout eus ur restr dizalc'h, o rekizañ emell un oberataer da vont en arc'hwel.

mémoire immunologique ◊ immunological memory ◊ memor b. hangaeel ― Geriadur ar vezekniezh

Galloud piaouet gant al limfokit B ha T da virout ha da zaskavout stlennadoù o deus lerc'hwezet da geñver keraez kentañ un antigen, alese an anvad kelligoù memor a lakaer warno ; da geñver ur c'heraez nevez a 'n antigen, en en naouaont ha, da heul, e neront hag e telankont erwezhioù hangaeañ spesadel ; termen arveret a-wechoù da aroueziñ barregezh erwezhiañ ur bevedeg a zo ennañ kelligoù memor (sl.  amnésie immunitaire, cellule-mémoire, facteur de transfert).

mémoire morte ◊ read only memory, ROM ◊ memor sonn, memor lenn hepken ― Geriadur ar stlenneg

Rizh memor diazezet war bennaenn an desezañ stadoù stabil ha diwezhel. Haezadus e vez ar stlennadoù dre al lenn ha ned int ket daskemmadus a-blaen.

mémoire morte programmable ◊ programmable read only memory, PROM ◊ memor sonn goulevadus ― Geriadur ar stlenneg

Rizh memor ma c'hoarvez an elfennoù daouredel a deuzelloù pe a ziodoù a c'haller gouleviñ diwar-bouez un dafar spesadel.

mémoire morte reprogrammable ◊ reprogrammable ROM, REPROM, electrically programmable ROM, EPROM ◊ memor sonn adc'houlevadus ― Geriadur ar stlenneg

Rizh memor a c'haller ivez gouleviñ diwar-bouez dafar arbennik. Diverkañ a c'haller he endalc'had ha daskemmañ ar goulev. Hervez ar c'halvezder arveret e reer anezhi un EAROM (◊ electrically alterable ROM ◊ memor sonn tredangemmadus ) pe un EEROM (◊ electrically erasable ROM ◊ memor sonn tredanraskladus ).

mémoire non volatile ◊ nonvolatile memory ◊ memor ansteuzidik ― Geriadur ar stlenneg

Memor a drebad difreuz he endalc'had pa vez troc'h tredan.

mémoire numérique ◊ digital storage ◊ memor niverel ― Geriadur ar stlenneg

Memor a vez ar stlennadoù lerc'hwezet enni a-zaoured.

mémoire optique ◊ optical storage ◊ memor luc'hel ― Geriadur ar stlenneg

Memor oc'h arc'hwelañ gant an araez a galvezderioù al luc'h. Bez' ez eus div familh a vemorioù luc'hel : ar memorioù poentel hag ar memorioù strewet.

Sl. [mémoire dispersée] [mémoire ponctuelle]

mémoire ponctuelle ◊ memor boentel ― Geriadur ar stlenneg

Familh a vemorioù luc'hel o tanveziñ live disvannañ al luc'h da lerc'hwezañ ar stlenn daouredel.

mémoire principale, mémoire centrale ◊ main storage, core memory ◊ pennvemor, memor greiz ― Geriadur ar stlenneg

Organ kreiz o talvout da glenkañ ar stlennadoù danvezet gant un pe lies unvez kreiz. Parzh boutin, ha lec'h eskemm, eo etre lies unvez keweriañ. Harzvent endalc'h ar pennvemorioù, o friz koust ivez, a zegas da aveiñ an urzhiataerioù gant advemorioù.

mémoire secondaire, mémoire annexe, mémoire auxiliaire ◊ secondary memory, peripheral storage ◊ advemor, memor drobarzh ― Geriadur ar stlenneg

Memor o c'hoarvezout a unvezioù klenkañ trobarzhel (lurelloù, karitelloù, kantennoù, kelornioù, h.a.).

mémoire statique ◊ static storage ◊ memor diasavel ― Geriadur ar stlenneg

Rizh memor a vez enni ar stlenn elfennel hanlec'hiet stabil ha daskoret hep an araez eus elfennoù treloc'hel hezilec'h. Er rumm-mañ emañ ar memorioù filmoù tanav, ar memorioù korennoù ha memorioù ledreelloù 'zo.

mémoire virtuelle ◊ virtual memory ◊ memor c'halloudel ― Geriadur ar stlenneg

Egor ennegañ arlakadel nad eo ket bevennet gant ment alvezel an trevnadoù kadaviñ. Kevenebet emañ amañ galloudel ouzh revoudel . An araezioù kalvezel arveret peurvuiañ da aozañ ur reizhiad memor c'halloudel boull d'ar goulever zo ar pajennañ hag ar c'hrennennañ emgefreek.

E kalvezder ar pajennañ , e vez dazrannet emgefreek ar goulevioù hag ar roadennoù etre bloc'hoù keit anvet pajennoù. Ennegoù an elfennoù a ya d'ober ar pajennoù a lavarer zo treuzkludadus, eleze a vez didermenet hepken dre werzhadoù dilec'hiañ daveel e diabarzh ar bajenn. Pep pajenn diouti he-unan a ampar un unvez keweriañ : gant ar reizhiad e vez didermenet emgefreek d'un ampoent lavaret he load alvezel er bennvemor pe en advemor. Hogen a-bennaenn, e vez brasoc'h hollad ar stlennadoù endalc'het er pajennoù eget endalc'h hollel ar bennvemor. Gant gerioù all, e vez kemm etre an ennegoù alvezel revoudel hegerz er bennvemor hag ennegoù arlakadel (galloudel) an holl stlennadoù bezant er reizhiad a-bezh. E-se, e termener ur vemor c'halloudel dre hollad an ennegoù daveet dezho en ur goulev lavaret, ent dizalc'h diouzh ment werc'hel ar bennvemor.

Ment ur vemor c'halloudel ne gav bevennoù nemet gant barr ennegañ ar reizhiad ha n'eo ket gant barr enderc'hel revoudel an ijinenn, o vezañ ma ne vez e-barzh ar bennvemor d'un ampoent lavaret nemet lodennoù gweredek ar goulevioù hag ar roadennoù. Ne vez karget ar pajennoù rekis er bennvemor nemet d'an ampoent ma vez ezhomm anezho ha goloet e vez ar pajennoù angweredek. Seurt argerzh a ampleg disloañ ar pajennoù etre pennvemor hag advemorioù (treuzkludañ dialuskel emgefreek an ennegoù).

A-gevenep da hentenn ar pajennañ o tastroc'hañ a-did ar goulevioù ha memorioù etre pajennoù keit, e c'hoarvez ar c'hrennennañ a rannañ ent vezoniel ar vemor a-geñver gant luniad ar goulevioù. O loc'hañ diwar ar bennaenn e c'hoarvez ur goulev "graet mat" a volladoù oc'h amparañ pep hini un hennad mezoniel, e tezever ne vez angorzhet bewech e-doug un amzer hir pe hiroc'h nemet ur mollad gant korvoidigezh ur goulev. Ent hollekoc'h, ijinennoù 'zo zo ganto trevnadoù da ardeiñ emgefreek treuzdoug ar c'hrennennoù etre pennvemor ha kantennoù, ar c'hrennennañ o vezañ kaset emgefreek gant ar c'hempunerioù.

mémoire vive ◊ random access memory, RAM, read write memory, RWM ◊ memor vresk, memor haeziñ diforzh, memor lenn/skrivañ ― Geriadur ar stlenneg

Rizh memor kevaraezus d'al lenn, d'ar skrivañ, d'ar c'hadaviñ. Haezadus ha daskemmadus e vez a-blaen ar stlennadoù enni.

mémoire volatile ◊ volatile memory ◊ memor steuzidik ― Geriadur ar stlenneg

Memor a vez mekaet he endalc'had gant un troc'h tredan.