Preder
myomètre, TA tunica muscularis uteri ◊ myometrium & ◊ kaher g. krozh, krozhkaher g., kahersae b. ar grozh ― Geriadur ar vezekniezh

Kigenn ar grozh.

souffle utérin ◊ uterine murmur ◊ sourr krozh ― Geriadur ar vezekniezh

Sourr flour, goubred da lamm kalon ar vamm, merzhet o selaouennañ ar grozh e mizvezhioù diwezhañ ar vec'hiegi, devoudet gant tremen ar gwad e talmerennoù ar grozh.

utérin ◊ uterine ◊ 1 ˘ar grozh, a-grozh, krozh-, -krozh, krozhel aa. 2 diavamm aa. ― Geriadur ar vezekniezh

1 A-zave d'ar grozh. 2 A-zivout ar vreudeur hag ar c'hoarezed ganet gant an un mamm, ket gant an un tad avat.

utérus ◊ UTERUS ◊ krozh b. (pe mammog g.). ― Geriadur ar gorfadurezh
utérus ◊ uterus ◊ krozh b., mammog g. ― Geriadur ar vezekniezh

Organ genel benevel amkanet da zegemer ar vigellig frouezhiget, da gevaraezañ an diorreadur anezhi ha d'he ezvountañ e dibenn ar vec'hiegi. Ur organ kaherek eo, kleuz, a 7 da 8 cm hed, o c'hoarvezout eus ur parzh krec'h ledan, ar c'horf, hag ur parzh traoñ strishoc'h, ar gouzoug ; rann uhelañ ha ledanañ ar c'horf a vez graet deun ar mammog anezhi. Kavenn ar grozh a zifourk er gouin dre ar gouzoug hag e korzennoù ar grozh dre parzhioù krec'h ha kostezel an deun (kornioù ar grozh). Loet eo ar grozh el lestr bihan, etre ar c'hwezhigell hag ar youlc'h. Ouzhpenn levrgenn an ampelenn a zo ouzh he c'holeiñ evit un darn vras, c'hoarvezout a ra eus ur gwiskad kaher a wiennoù levn oc'h amparañ teir haenad dezho durc'hadurioù diseurt, eus ur gwiskad diabarzh glaourek outañ lies gwagrenn hag un epitelienn a gelligoù kengerek dezho blevanioù krenat. Emañ skourret el lestr dre ar stagelloù ledan, ront hag ar pleg youlc'h-krozh.

uterus acollis ◊ uterus acollis ◊ krozh dic'houzoug ― Geriadur ar vezekniezh

Krozh gant ur gouzoug astalet an diorreadur klok anezhañ.

uterus bicornis ◊ uterus bicornis ◊ krozh daougorn ― Geriadur ar vezekniezh

Kammneuziad o c'hoarvezout a vezañs daou gorf krozh distag o kejañ en traoñ en ur strizh hag ur gouzoug unel.

uterus biforis ◊ uterus biforis ◊ krozh daoudoull ― Geriadur ar vezekniezh

Kammneuziad a 'r grozh o c'hoarvezout eus ur gavenn gorf ha div gavenn c'houzoug.

uterus bilocularis ◊ uterus bilocularis ◊ krozh divlog ― Geriadur ar vezekniezh

Daouelezh krozh dianat a-ziavaez, anezhi rannadur ar gavenn e div log diwar-bouez un dilhenn a-saezh, evel aspadenn eus he orin daouel (kanolioù Müller).

utérus didelphe ◊ didelphic uterus ◊ krozh diskalfet ― Geriadur ar vezekniezh

Seurtad klokañ eus an daouelezh krozh : div hantergrozh dispartiet ha distag gant daou gorf ha daou c'houzoug o tifourkañ en ur gouin unel pe dilhennek. Pa vez damarun an daou c'houzoug e komzer a grozh damziskalfet.

uterus duplex ◊ duplex uterus ◊ krozh daouel ― Geriadur ar vezekniezh

Termen rumm evit an holl seurtadoù ha derezioù eus an daouelezh krozh.

utérus gravide ◊ ◊ krozh bec'hiek ― Geriadur ar vezekniezh

Krozh enni ur rizhell pe ur grouell.

uterus parvicollis ◊ uterus parvicollis ◊ krozh garc'houzoug ― Geriadur ar vezekniezh

Krozh gant ur rann c'houzoug bihan kenan, gant ur c'horf a vent reol avat.

uterus subseptus ◊ uterus subseptus ◊ krozh darndilhennek ― Geriadur ar vezekniezh

Kammneuziad ar grozh a zo tilhennek en he darn uhelañ (aspadenn daou ganol Müller).

uterus unicollis ◊ uterus bicornis unicollis ◊ krozh ungouzoug ― Geriadur ar vezekniezh

Seurtad krozh daouel ma ne angorzh an dilhenn nemet korf an organ ; unel eo ar gouzoug. An ezreolder-se a van andeznaou ar peurliesañ.

uterus unicornis ◊ uterus unicornis ◊ krozh unkorn ― Geriadur ar vezekniezh

Krozh direet d'un hantergrozh diwar isteñv unan eus kanolioù Müller.