Stroll proteinoù kemplezh, o tisoc'h diouto dre zourrannañ amindrenkennoù ha danvezennoù anprotidek (strolloù prostetek) ; o isrannañ a reer etre ar glukoproteinoù (mukin), lipoproteinoù, nukleoproteinoù, kromoproteinoù (hemoglobin) ha fosfoproteinoù (kazein).

Ikter diwar hogennadur ar bilirubin keveilet er gwad ; livegennoù bestlel a gaver en troazh ; peurliesañ e tistro d'ar gwad parzhiadoù all ar vestl gant ar bilirubin : an ikter dre vestlanred eo, dre steviadur forzhioù degorzhañ ar vestl, ken enavuel, ken ec'havuel ; amglok e vez an anred e tro an avufoioù hag ar c'hirrozioù, klok e degouezh ur c'hankr pe pa vez peursteviet ar san vestl gant ur c'hrouanenn ; dibaotoc'h, dre ziouer un enzim, pa na vez ket ar gellig avu evit degorzhañ ar bilirubin keveilet ha pa dremen hemañ er gwad (ikter Dubin-Johnson, azoniad Rotor, Manahan ha Florentin).