Preder
APUD : cellules ∼, système ∼ ◊ APUD cells, APUD system [APUD = Amine-Precursor-Uptake and Decarboxylation] ◊ kelligoù l. (b.) APUD, reizhiad b. APUD ― Geriadur ar vezekniezh

Kelligoù bezant e lies organ : empenn (gouzerc'hvel, rakgougorfenn), gwagrennoù enborc'hañ (ilgreiz, skoedenn, kelligoù kromlen), kelligoù enborc'hañ ar ganol vezhur ; borc'hañ a reont hormonoù (ACTH, glukagon, gastrin) ; loet e-maez ar gwagrennoù enborc'hañ, ez amparont ur reizhiad enborc'hañ strewek.

cellules B, lymphocytes B, cellules bursodépendantes, lymphocytes bursodépendants ◊ B lymphocytes ◊ limfokit B, kelligoù B ― Geriadur ar vezekniezh

Limfokit bihan o vorc'hañ an immunoglobulinoù, gwezherioù an hangae dourennel ; dont a ra ar B eus bursa fabricii, organ an evned ma c'hounez seurt limfokit o hangaec'hougon ; en den ma 'z eont d'ober an 20 % eus limfokit ar gwad n'eo ket bet savelet c'hoazh lec'h o gougonekadur.

cellules C (de la thyroïde), cellules parafolliculaires ◊ C cells ◊ kelligoù C, kelligoù lez-bolc'h ― Geriadur ar vezekniezh

Kelligoù eus epitelienn bolc'hennoù ar skoedenn, o vorc'hañ ar c'halkitonin.

cellules déciduales ◊ decidual cells ◊ kelligoù kollgennel ― Geriadur ar vezekniezh

Kelligoù bras a orin mezenkimatus bezant en enkrozhenn goude ma vez englenet ar vi speriet.

cellules immunocompétentes, cellules immunologiquement compétentes, cellules immuno-effectrices, immunocytes ◊ immunocytes ◊ kelligoù hangaec'hougonek, kelligoù hangaevuzer, immunokit s. ― Geriadur ar vezekniezh

Kelligoù eus ar gwiad limforetikulel dezho un emell a bouez en erwezhioù hangaeel, daou rumm anezho : 1) al limfokit B, ar plasmokit hag an diaraogerioù anezho, o vorc'hañ an immunoglobulinoù, atebek war an hangae dourennel hag an erwezhioù dreistkizidigezh kentizhek ; 2) al limfokit T hag o diaraogerioù, gwezherioù an hangae gwiadel handizhek o tec'han darvoudoù dreistkizidigezh ampellet pe daleet (sl.  cellules B, cellules K, cellules T, hypersensibilité, immunité, système HLA).

cellules interstitielles du testicule, cellules de Leydig ◊ interstitial cells of testis, Leydig's cells ◊ kelligoù entremezel ar glidenn, kelligoù Leydig ― Geriadur ar vezekniezh

Kelligoù tolpet en dro d'ar gwazhied gwad bihan e-barzh ar glidenn, o arc'hwel danzen an testosteron.

cellules K, lymphocytes K ◊ killer cells, K cells ◊ kelligoù K, limfokit K ― Geriadur ar vezekniezh

Kelligoù limfoidel hep gougon hangaeel, en araez, en ezvezañs ar glokaenn, da enniñvañ an antikorfoù (Ig G) bezant a gementadoù bihan (hag anniñvek betek eno) e gorre ar c'helligoù buzer ha keñverek da antigenoù ar re-mañ hag, e se, da zistrujañ ar c'helligoù buzer dre argerzh ar gelligpistriañ ; K zo tallizherenn ar ger saoznek killer.

cellules nulles, lymphocytes nuls ◊ null cell, null lymphocytes ◊ kelligoù mann, limfokit mann ― Geriadur ar vezekniezh

Limfokit nad int na B na T ; arveret gant aozerion 'zo evel kenster da limfokit K pe NK.

cellules souches, cellules embryonnaires, cellules indifférenciées, cellules primordiales ◊ stem cells, elementary cells, embryonal cells, primordial cells, formative cells ◊ bongelligoù l.(b.), kelligoù rizhellel, kelligoù andiforc'hek, kelligoù kezivik ― Geriadur ar vezekniezh

Kelligoù etre 10 ha 20 mm treuzkiz, dezho ur protoplasm bazennlen e stumm ur c'hronnenn voan en dro d'ur graoñell vras amzoues, livadus tre, enni nukleoloù damzu ; anezho elfennoù yaouankañ an ac'hadoù o tisoc'h gant kelligoù ar gwad ; bezant en organoù gwadparañ : er mel eskern evit ac'hadoù an eritrokit, ar granulokit, ar monokit hag ar pladanoù, en organoù limfoidel evit ac'had al limfokit ; e-kerz al leukemiezh lemm e teu ar bongelligoù da aloubiñ ar gwad hag ar mel eskern.

cellules suppressives, cellules T effectrices, cellules T-CD8+, lymphocytes T8+ ◊ suppressive cells ◊ kelligoù astaler, kelligoù T buzer, kelligoù TCD8+, limfokit T8+ ― Geriadur ar vezekniezh

Seurtad limfokit T o skoilhañ ouzh erwezh hangaeel (dourennel pe gelligel) ar bevedeg ouzh un allevenn (antigen) ; an divigad anezho a gevaraezfe diwan an unanantikorfoù hag a ve en orin ar c'hleñvedoù unanhangaeel (sl.  cellules thymodépendantes).

cellules T auxiliaires, cellules T activatrices, cellules T amplificatrices, cellules Ta, cellules T-CD4+, cellules T inductrices, cellules T « helper », lymphocytes T « helper », lymphocytes T-CD4+, lymphocytes T4+ ◊ helper T-cells ◊ kelligoù T harper, limfokit T4+ ― Geriadur ar vezekniezh

Seurtad limfokit T o keveliñ gant al limfokit B evit genel antikorfoù ha, gant seurtadoù all limfokit T, evit savelañ an hangae kelligel ; war leiaat ez a ar c'heñver T4+ / T8+, par ent reol da 1,6 ± 0,5, e saviadoù gouziz an hangae, gant an haza da skouer (sl.  cellules thymodépendantes).

cellules tueuses naturelles, lymphocytes tueurs naturels, lymphocytes NK ◊ natural killer lymphocytes, NK lymphocytes ◊ kelligoù K genidik, kelligoù NK, limfokit K genidik, limfokit NK ― Geriadur ar vezekniezh

Kelligoù limfoidel diforc'h diouzh ar monokit, ar makrofag, ar c'helligoù K, al limfokit B ha hep mar diouzh al limfokit K ; hag int hep gougon hangaeel, emaint en araez da loezañ, en ezvezañs antikorfoù, ac'hadoù 'zo kelligoù limfoblastek dec'hanet gant ur viruz ; perzh o defe en emzifenn enepkankrel ; dont a ra NK eus n atural killer.

culture cellulaire ◊ tissue culture, cell culture ◊ tiñvañ kelligoù, tiñvañ gwiadel ― Geriadur ar vezekniezh

Derc'hel bev greadoù kelligoù o tont eus organoù denel pe loenel (lounezhi marmouzion, skevent rizhelloù denel, yoc'hennoù) pe eus klonoù ; arveret e vez an tiñvadurioù kelligel er Vakteriouriezh evel meteier tiñvañ ar viruzoù ha bakteri 'zo (sl.  culture bactérienne).

hématies, globules rouges, érythrocytes ◊ erythrocytes, red blood corpuscles, red (blood) cells ◊ kelligoù l. (b.) ruz, ruzkelligoù, hemati s., eritrokit s. ― Geriadur ar vezekniezh

Kelligoù eus ar gwad, digraoñell, e stumm un disk daouargevek etre 7,2 hag 8,3 µm treuzkiz, o niver keitat 5 milion dre mm³ gant ar gwaz ha 4,5 milion gant ar vaouez, o c'hefridi bennañ dezougen eus ar skevent d'ar gwiadoù an oksigen lenet ouzh an hemoglobin bezant enno (sl.  drépanocyte, érythro-blastes, hémoglobine).

Kupffer : cellules de ∼ ◊ Kupffer's cells ◊ kelligoù l. (b.) Kupffer ― Geriadur ar vezekniezh

Makrofag steredennek bezant e goload endotetel gwazhied an avu.

lactotrope : cellules ∼s ◊ lactotropic cells, prolactin cells, lactotrophs, mammotrophs ◊ kelligoù l. (b.) laezhwezher ― Geriadur ar vezekniezh

Kelligoù eus ar rakgougorfenn o vorc'hañ ar prolaktin (sl.  prolactine).

leucocytes, globules blancs ◊ leucocytes, white blood cells ◊ leukokit s., kelligoù gwenn ― Geriadur ar vezekniezh

Kellig kraoñellek eus ar gwad, tri seurtad anezho : ar granulokit, al limfokit, ar monokit.

Mott : cellules muriformes de ∼ ◊ Mott cells ◊ kelligoù mouarek Mott ― Geriadur ar vezekniezh

Plasmokit anrizhek naouus dre ur graoñell doues teñval, ezkreizat ha dre ur c'hitoplasm leun barr gant vakuolennoù, bezant a-wechoù e mel eskern hag e gwerblennoù gouziviaded an arvevadegezhioù (tripanozomiaz, leichmanioz), ar mielom hag ar vakroglobulinemiezh.

néphrocarcinome, épithélioma du rein à cellules claires ◊ renal cell carcinoma, renal adenocarcinoma ◊ nefrokarkinom g., epiteliom g. al lounezh kelligoù sklaer ― Geriadur ar vezekniezh

Yoc'henn yud evodet diouzh kelligoù ar pibelloù ; “hipernefrom” e raed anezhi da gentañ pa arlakaed dezhi un orin uslounezhel (sl.  hypernéphrome).

pléocytose, hypercytose ◊ pleocytosis ◊ usniver g. kelligoù, elgellig g. ― Geriadur ar vezekniezh

Paotaat ar c'helligoù e liñvennoù ar bevedeg, al leukokit er gwad amredat pergen, anadenn stadet e kleñvedoù 'zo, met ivez goude ar predoù pe e-kerz ar vrazezded.

Purkinje : cellules de ∼ ◊ Purkinje's cells ◊ kelligoù l. (b.) Purkinje ― Geriadur ar vezekniezh

Nervgelligoù dezho un neuz tuzum ha perheñvel, a zo durc'haet o dendritoù etrezek an trobarzh hag o aksonoù etrezek an haenoù don, loet etre an haen volekulel hag haen ar greun eus pluskenn an ilpenn.

SCC ◊ Squamous Cell Carcinoma ◊ SCC ; antigen karkinom gouzoug ar grozh gant kelligoù liac'hek ― Geriadur ar vezekniezh

Antigen kevredet gant karkinom gouzoug ar grozh gant kelligoù liac'hek, arveret hepken evit eveshaat an dedro anezhañ.