Danvezenn frondek devec'hiet, arveret evit grezvekaat ur prientad boued (amanenn kenaozat, fars, iskell, saladenn, hilienn) pe evit frondiñ ar blaz anezhañ (diennoù sukret). An iradoù naturel a aozer hervez tri doare : a) dre zouhenniñ dassim frouezh pe louzoù frondek (kanell, alamandez c'hwerv, suraval, aouraval, roz) ; b) dre goazhañ ur c'hlec'hiadenn pe ur boazhadenn (bedivoù jiboez, serfilh, kebell touseg, stragon, paradurioù pesked, tomatez) ; c) dre c'hlec'hiañ pe veizhiañ un danvez (kignen, glizig, ognon, trufennoù) er gwin pe er gwinegr. Iradoù ar c'henwerzh zo grezvekaet a-wechoù gant arouglevioù ha livuzennoù kevanaozel (Sl. saourenn, arouglev).