Preder
cataracte traumatique ◊ traumatic cataract ◊ ferennlug daraezel, ferennlug diandaraez ― Geriadur ar vezekniezh

Demerâd ar ferenn hevonn pe get o tarvezout da heul un daraez a 'l lagad, kreuad eeun pe gouli ebarzhus.

céphalhydrocèle traumatique ◊ traumatic cephalhydrocele ◊ dourvozhellb̃. daraezel ar c'hlopenn ― Geriadur ar vezekniezh

Yoc'henn o sezañ dindan ar brigenn, enni liñvenn benn-kein ; darvezout a ra gant ar bugel diwar un odead daraezel er volzpenn (torr, disvellez).

encéphalite traumatique, démence traumatique, démence des boxeurs, syndrome de Homen ◊ dementia pugilistica, punch drunk ◊ empennfo daraezel, empennfo ar vokserion, envedi b. daraezel, envedi ar vokserion ― Geriadur ar vezekniezh

Teskad anadennoù nervel a stader gant ar vokserion a vicher, anezho un dizampartiz war washaat, digenurzh ar fiñvoù, krenerezh, a-wechoù reuter, migevaot ha divig kefredel ; gorrek hag argreskus eo an dedreiñ.

Hystérie traumatique. ◊ traumatische Hysterie. ◊ traumatic hysteria. ◊ darfell daraezel. ― Geriadur ar bredelfennerezh

Rizhenn darfell deskrivet gant Charcot etre 1880 ha 1890 : da heul un daraez korf, e stader azonoù kreudel, peluzioù dreist-holl, oc’h anadiñ goude ur prantad enkel alies, hep ma c’hallfed o displegañ dre ur wikefre vevedel. (sl. NÉVROSE TRAUMATIQUE ; TRAUMA, TRAUMATISME (PSYCHIQUE)).

névrose traumatique ◊ traumatic neurosis ◊ neuroz daraezien pe daraezel ― Geriadur ar vezekniezh

Termen kentradet gant Oppenheim e 1889 evit aroueziñ ar strafuilhoù bred o tarvezout gant reuzidi un dirfeud (darvoud an dezougen, koul, gourmest naturel), deskrivet e ser un daolenn glinikel klasel : enkrez, skuizhnez, mihun, o vont betek ar strafuilhoù bred muiek : kefroù, arluz, saouzan, malouen (sl.  commotionnel : syndrome ∼ ) ; Freud a glokaas deskrivadur Oppenheim dre savlec'hiañ an daraez en istor ar gouzrec'h, a) dre ober anezhañ un delanker o tiskuliañ ul luniad neurozel rakvezant, b) dre zeskrivañ an daraez evel deuet gougevan ouzh diemouez ar reuzied, o tasperzhiañ en e wikefreoù hag o tec'han argeziadoù dianerwezhiañ arreet.

NOTENN : Ur yezh resis a c'hallfe dispartiañ an neuroz daraezien hervez Oppenheim diouzh an neuroz daraezel hervez Freud.

Névrose traumatique. ◊ traumatische Neurose. ◊ traumatic neurosis. ◊ neuroz daraezel. ― Geriadur ar bredelfennerezh

Rizh neuroz a ziwan e azonoù da heul ur stroñs fromel c’hoarvezet en ur blegenn buhezet evel argollus. Da-geñver ar stroñs e vez ur barrad enkrez lemm a c’hell devoudañ kefroù, malouen, arluz. An emdroadur, o tiskouez an aliesañ da gentañ un entremez mut, a ro tro da zigemmañ daou zegouezh :

a) An daraez a c’hoari evel delanker, o tiskoachañ ul luniadur neurozel kentvezant.

b) An daraez zo devoudus, o pourchas e endalc’h d’an azon (malañ eñvor an darvoud daraezus, hurlink arreat, strafuilhoù kousked, h.a.), an azon o c’hoari evel ur striv da eren ha da zianerwezhiañ an daraez ; seurt glenadur ouzh an daraez a zegas gantañ un heudadur don pe donoc’h eus obererezh ar gouzrec’h. D’an daolenn-mañ diwezhañ end-eeun e ro Freud hag ar vredelfennerion an anv a neuroz daraezel.

Dav eo notañ ez eus daou ster d’an termen daraez. Ur ster kreudel, surjianerezhel, oc’h emplegañ anafoù — en degouezh-mañ anafoù er reizhiad nervel, erzerc’h, pe mikroskopek, oc’h anadiñ ent klinikel e stumm ur bleuz. Ur ster bredel, pa zeu un darvoud da lakaat en argoll frammadur bred ar gouzrec’h ; en degouezh-mañ eo e ra Freud anv eus ar saouzan, “stad o c’hoarvezout pa gouezher en ur blegenn dañjerus hep bezañ eraoz outi” (sl. EFFROI). Anat eo e c’hell un daraez bred diwanañ diwar un daraez kreud. Ar gudenn a sav neuze war an dachenn eo dispartiañ e devouderezh ar strafuilhoù al lod o tennañ d’ar greudelezh, d’an neurologiezh rik, diouzh al lod a zo meizadus dre ur wikefre neurozel.

Sl. TRAUMA, TRAUMATISME (PSYCHIQUE).