En Henved, gwerezerc'h Hermes pe Merc'her, gwialenn lore pe olivez gant div askellig ouzh he fenn krec'h hag, en dro dezhi, an div naer kenweet en doa Hermes o disrannet hervez ar gwengel tra m'edont o stourm an eil ouzh eben ; evel argel ar peoc'h, e voe degemeret evel eolun ar gannadourion hag al leunc'halloudeion ; da c'houde e teuas da vezañ gwerezerc'h Asklepios, doue ar Vezekniezh, en ur gemer stumm un hordenn wial gant un naer hepken outi hag, e krec'h, ur melezour ront, argel an ersell ; hiziv, ardamez ar vezeion ha gwezhourion ar yec'hed.