Eeunennoù ma c'hwel ar voull lagad en dro dezho ; un diniver ez eus anezho dre benn ma c'hell al lagad treiñ war bep tu ; koulskoude er c'hlinik e tiforc'her tri ahel pennañ : ar c'hwelahel a-zremm a c'hoarvez en dro dezhañ ar fiñvoù gorren ha gouzizañ ; ar c'hwelahel a-saezh, pe c'hwelahel araok-adreñv, a c'hoarvez en dro dezhañ ar fiñvoù enrodañ hag ezrodañ ; ar c'hwelahel a-zerc'h a c'hoarvez en dro dezhañ ar fiñvoù entuañ hag eztuañ.