Deverad diwar an imidazol, bezant en e furm anniñvek e-barzh gwiadoù an holl vronneged, da berzhioù dezhañ fraouaat borc'hadur ar sug kreuz, argrezañ ar gwiennoù levn hag an talmerennigoù, frankaat ha heforshaat ar c'horrwazhied ; hanterad kimiek an dreistkizidigezh kentizhek ; borc'het e vez gant ar granulokit bazofil hag ar mastokit, kadavet e-barzh ar greunenn-adoù anezho ha dilaosket da geñver ar bleuz darwalladel ; o tasperzhiañ ivez en erzerc'hadoù allergek all : astma, sifern ar bleuñv, linadell, h.a. (sl. choc anaphylactique, mastocyte, récepteur histaminique).