Tolzad hevonn furmet gant un organ pe ur parzh organ, ar pervez peurliesañ, aet er-maez eus ar gavenn en endalc'h ent reol, dre un igorenn naturel pe darvoudel ; hervez an organ hag al lec'hiadur, e teskriver : an avelenn vorzhedel pe a-vorzhed (Gl. h. crurale pe fémorale) oc'h ogañ dre walenn ar vorzhed, dindan stagell ar varlenn ; an avelenn varlennel pe a-varlenn pe barlennogad (Gl. h. inguinale) o treuziñ speur ar c'hof dre dreug kanol ar varlenn, dreist stagell ar varlenn ; an diskogad (Gl. hernie discale), balirad an disk etre-melloù e-barzh kanol ar mellkein diwar an ezvount war dreñv eus ar gronn bouedennek, o tarvezout peurliesañ etre ar 4e ha 5t mellenn dargreiz hag oc'h amwaskañ an nervenn a-goazez ; an avelenn c'hremel (Gl. hernie hiatale), ogad ur parzh eus ar stomok dre c'hrem an treizher ; an ogad kaher pe kaherogad (Gl. hernie musculaire pe myocèle), eztead ur parzh kigenn dre ur boulc'h darvoudel eus ar gouin lienstirenn (sl. bubo-nocèle, diaphragmatocèle, engagement cérébral, étranglement, éventra-tion, omphalocèle).
NOTENN : Heñvelster eo ogad hag avelenn, nemet ez arverer an termen-mañ diwezhañ evit deanviñ ogadoù ar ganol vezhur dreist holl.