Furm ar skizofreniezh o tizhout ar grennarded, naouus dre un deroù manguñv hag argammedek (diaesterioù skolel, skuizhnez, hipokondriezh), buanded an dedreiñ etrezek an disklotañ, koll an hambout (didenn diouzh ar gedvuhez ha danzen reizhiadoù ideologek skiantel, politikel, trabedel antraek ha dislenadek) ; deskrivet ez eus bet meur a daolenn glinikel hervez trec'hded an azoniadoù o tont a-wel e-kerz an dedroadur : ankewant argreskus gant aneroug, realezh vibilius, kuladoù ha digasted ouzh an amgen, argizañ avloc'h hag adizh etrezek un dic'hwitadur envediek herrek — hemañ a voe orin an anvad dementia praecox (envedi gentrat) a lakaas Kraepelin war ar c'hleñved e 1895 (sl. apathie, contact, discordance, indifférence).