Derc'hañ dec'havaelet evel ur merzhout (gaouverzhout, Gl. pseudopercep-tion), ambreek pa ra diouer un dasselliñ dezvarnus ; hervez ar skiantenn angorzhet e reer anv a drezerc'hioù gweledel, klevedel, tañvael, c'hweshael, stokadel, emanglevadel (sl. cénestopathie) ; hervez an ardarzh e tiforc'her : a) an trezerc'hioù bonan (Gl. hallucinations physiologiques) o c'hoarvezout ken e-kerz ar c'housk (hunvreoù), ken e deroù ar c'housk (t. enhunel, Gl. h. hypnagogiques) pe en dibenn (t. ec'hunel, Gl. h. hypnopompiques ) ; b) an trezerc'hioù pistriel (alkool, drammoù, liaoù) ha pistriboreel (toksinoù) ; c) an trezerc'hioù anafel, lodek e taolenn glinikel un tizhadur neuziadurel pe arc'hwelel a 'n nerveg (yoc'henn empenn, anaf gwazhiedel, daraez klopenn, droukfell, envedi) ; d) an trezerc'hioù bredanaezel, o tarvezout a-wechoù en neurozioù, dreist holl er psikozioù ma vezont peurliesañ gougevan ouzh un ambren (sl. automatisme mental).