Koll ar galloud da hennadiñ (denaout pe daznaout) an ergorennoù dre ur skiantenn ; ent damkanel e lakaer kemm etre an andenaoud (koll ar galloud da gemer anaoudegezh eus udb. a oa dianav betek neuze) hag an andaznaoud (koll ar galloud da hennadiñ udb. anav endeo) ; ent embregel e c'hoarvez a-gevret peurliesañ an daou strafuilh hag el lavar klinikel e reer hepken gant an termen andenaoud hag e zeveradoù.