Erlamadur un darn organ pe yoc'henn diwar ar bev evit he elfennañ ; an elfennadur a c'hell bezañ un imbourc'h wiadoniel, bevgimiek, garvevoniel pe hangaeoniel ; hervez an araez arveret e tiforc'her meur a vod : bevsav dre suc'hañ (Gl. biopsie par aspiration, Sz. aspiration biopsy) borc'hadoù bonan pe gleñvedel ; bevsav dre dalarañ pe dre ezwanañ (Gl. biopsie par forage, Sz. drill biopsy, ou par ponction) diwar-bouez ur broskan oc'h erlemel ur rolled gwiadoù a-dreuz d'ar c'hroc'hen ; bevsav gorre pe lifrad (Gl. biopsie de surface pe frottis, Sz. surface biopsy pe smear) dre erlemel ur c'hleborenn dre rimiañ ur glaourgenn pe an ezkroc'hen ; bevsav engweliñ (Gl. biopsie par voie endoscopique) ; bevsav ezvenañ (Gl. biopsie exérèse) oc'h araezañ dilemel war un dro ur werblenn pe ur yoc'henn vihan ; bevsav diawezh (Gl. biopsie peropératoire) graet e-kerz un oberatadenn surjianel.