Rann eus ar Vevoniezh oc'h imbourc'hiñ al luniadoù molekulel (da skouer hini an RNA hag an DNA) ; tro a ra, diwar-bouez hilsontoù (Gl. sondes génétiques), da hennadiñ garvevion, da zeznaouiñ kleñvedoù hêrezhel ha yoc'hennoù ; ur skourr anezhi, an Hiloniezh volekulel (Gl. génétique moléculaire) zo en orin an Hilouriezh (Gl. génie génétique), embregouriezh dazverañ ar gen (Gl. manipulation génétique) ha, dre se, kevanaozañ ha kenderc'hañ danvezennoù bevedel (hormonoù, vaksinoù).