Ar globulin tiroksinlenus zo unan eus an tri rumm proteinoù dezouger hormonoù skoedel er gwad, an daou all o vezañ an transtiretin (TTR, anavezet ivez dindan an anv TBPA) hag an albuminoù gwadveizel. A-douez an tri ez eo an TBG a zo dezhañ al lenusted uhelañ evit an tiroksin (T4) hag an triiodotironin (T3), hogen, a-gevenep d'an daou rumm all a broteinoù, n'eus nemet un hanload o lenañ an T4 pe an T3 evit pep molekul. Ha bez' ez eo ivez an TBG ar rumm gant ar bihanañ gwadvec'h. Nag evit se, e treuzdoug an TBG 70 % eus an T4 ha 65 % eus an T3 er gwad. Gwadvec'h an T4 hag an T3 zo ken izel, ma 'z eo gannet dibaot a wech an TBG betek ouzhpenn 25 % gant ur molekul hormon skoedel. An hormonoù skoedel lenet ne entoont ket er c'helligoù ha neuze e vezont sellet evel anniñvek ent bevedel. Arc'hwelañ a reont evel ur c'hadavad amredat.