Hormon borc'het gant ar rakgougorfenn, dezhañ da wered kentraouiñ borc'herezh hormonoù ar c'hougorfenn. Arouleviet eo ar feur anezhañ gant bec'hioù an hormonoù skoedel T3 ha T4 er plasma. — prouad an tireostimulin (Gl. test à la thyréostimuline, Sz. TSH test) : keñveriañ delenadur an iod skinoberiek gant ar skoedenn a-raok ha goude ensinkladur TSH. Uhelaat a ra an delenadur e degouezh a skorted skoedennel gougorfennien. Gant ar gouzrec'h bonan, ar prouad a gresk delenadur an iod skinoberiek eus 60 da 80 % er 24vet eur.