Anvet ivez tromboasteniezh Glanzmann, azoniad gouliñvel hêrezhel dibaot, treuzkaset er mod aotozomek enkilek, leteñvel ouzh ar purpura olpladanel hennadek, diforc'h dioutañ avat dre berzhioù ar pladanoù a zo dezho, hag int reol o niver, ul liesseurted a neuzioù hag a lenidigezhioù ouzh al livuzennoù ; ouzhpenn se n'int ket tuet da dazañ e nep doare. Arstalek eo ankurzhusted ar gaouledenn, uspad an diwadañ, arouez ar rolt. Devoudet eo ar c'hleñved-se gant ezvezañs (rizh I ) pe gant divig (rizh II ) eus ar gemplezh c'hlikoproteek IIb-IIIa.