Ster kentañ an termen zo ar skeudenn roet gant ar gouloù gwenn, digenaozet dre dremen a-dreuz d'ur prism en e gedrannoù elfennel unliv. Dre astenn ster ez eo disoc'h ledadur ha digenaozadur nep skinad tredanwarellel pe rannigel en e gedrannoù, a-gevreizh d'ur braster naouus (trohed, talm, gremm fiñvek). Anv a reer ivez a skalfad stenioù. E-maez tachenn ar skinoù hag ar stenioù e talvez kement ha teskad doareoù ketep ur gwezher (bevastalerioù, da skouer), teskad derezioù grevusted ur c'hleñved, h.a.