Nevuz kevredet gant kammneuziadoù all : kroc'hen, flugez, eskern ha nervoù. Bez' ez eo un nevuz gwenaennek linennek, dibaotoc'h un nevuz soavel Jadassohn pe iktioz hystrix. Elfennoù all an azoniad zo nervel (barradoù droukfell hollek pe lec'hiek diouzh tu an nevuz, dilerc'hegezh vred, empennfoeñv a-wechoù, direizhoù loc'hadel pe bouzarded), lagadel (yoc'henn ar gevresae, demerennoù ar gornsae, kolobom) pe askornel (treuzwar, kammneuziadoù mellkein, ezreolderioù gourizoù an izili krec'h ha traoñ).